web counter
LEXO PA REKLAMA!

SHKARKO APP

App Store
Google Play

Dritan Hila rrëfen ëndrrën politike

3 Gusht 2016, 09:44, Aktualitet CNA

Analisti Dritan Hila, ish-zv.ministër i Mbrojtjes, ka rrëfyer ëndrrën e tij politike. Por cila është ajo?

Hila ëndërron një parti të re, të cilës shqiptarët të mos i gjejnë asnjë njollë, dhe kjo parti të marrë të gjitha votat dhe të fshijë partitë e tjera.

Endrra politike e Hilës vijon me reformën në drejtësi. Hila ëndërron që ajo të sjellë një Prokuror  nga Martaneshi, që të jetë pa njollë, dhe që ti fshijë të gjithë.

Ëndrra politike e Dritan Hilës

Unë kam një endërr. Ëndrra ime është që të dalë një parti e re nga materniteti, të cilës shqiptarët mos kenë mundësi ti gjejne asnjë njollë. Dhe kjo parti të marrë të gjitha votat dhe të fshijë partitë e tjera.

Por kjo nuk ndodh sepse ashtu si gjithmone 600 mijë shqiptarë do të votojne PS-në, 500 mijë PD-në, 250 mijë LSI-në, e të tjerët do votojnë të tjerat.

PS nuk do më koalicion me LSI se tani pas tre vjetësh zbuloi që i ka prishur punë. As PD nuk do me LSI se i ka rënë namuzi herën e fundit, pas katër vjetëve bashkë. Mbetet të bëhet PS-PD. Shumë mirë. Kështu i bie që edhe populli kënaqet edhe LSI del në opozitë. Por nëse bëhet kjo, PS merr kryeministrin dhe PD e di që pas 2 mandatesh shuhet ndaj nuk pranon. PS ka hall se nuk e votojnë pensionistët dhe veteranët dhe ata nuk janë pak. Si i bëhet? Mbetet që reforma të sjellë një prokuror nga Martaneshi, djalë azgan e të pa njollë, dhe ky i fshin të gjithë.

Pastaj i mbetet që ky të bëhet kryeministër. Shumë bukur. Ja ku u zgjidh puna. Problemi është se kështu e bënë edhe italianët me Di Pietron, por pas ca vitesh edhe Di Pietro nuk dinte të justifikonte si i kish bërë 50 shtepi dhe në kokë ju këndoi Berluskoni për 25 vjet. E mira do ishte që këta amerikanët të kishin bërë reformën elektorale. Por nejse. Ata e dinë më mirë. Unë vetëm jam kurioz të di kush do jetë prokurori nga Martaneshi! /citynews/





Lajmet e fundit nga