web counter
LEXO PA REKLAMA!

SHKARKO APP

App Store
Google Play

"Nënkryetari i LRI-së, një Fahri Balli i vockël"

28 Korrik 2016, 16:15, Aktualitet CNA

Ish-drejtoresha e Doganave, Elisa Spiropali vazhdon replikat me të rinjtë e Forumit Rinor të Lëvizjes Socialiste për Integrim. Së fundi ajo ka bërë një reagim në faqen e saj në Facebook.

Spiropali thotë se nënkryetari i LRI-së, Klevi Pojana është një Fahri Balli i vockël, por me fjalor më të varfër se Berisha.

Postimi i plotë i Elisa Spiropalit

“Për t’u dhënë një shembull të rinjve sesi të shkëputen përfundimisht nga politika e baltës, si dhe për të testuar sistemin e ri të drejtësisë, të propozoj e dashur Elisa, të kallëzosh penalisht për shpifje Klevi Pojanën, nënkryetarin e LRI.

Të lutem mos thuaj po ç’të merresh me një çapaçul që shpif si ta kishte pjellë barku i Berishës, por bëje këtë edhe për të gjithë ne të tjerët”, më shkruante sot një vajzë e shkëlqyer e FRESSH-it, nxënëse në gjimnazin “Ismail Qemali”.

Në fakt s’do e kisha sjellë në vemendje këte mesazh nëse do ishte e vetmja. Janë disa që e paskan lexuar e janë shqetësuar nga ky djali në fjalë dhe më ankoheshin sot. U bëra kurioze dhe e lexova edhe vete. S’ia vlen fare, një Fahri Balli i vockël në tentativë me nje mllef më te sinqertë se Farua po me një fjalor më të varfër se Sala.

Kohë e humbur vajza e djema te FRESSH-it, prandaj më shumë higjenë në përzgjedhjen e leximeve nga rrjetet social. Ka kohë për kallëzime penale. Reforma në drejtësi sapo ka nisur. 





Lajmet e fundit nga