web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Rama: Do vazhdojë me ligjet kryesore, askush s’ka shans të ndalojë historinë e re

26 Korrik 2016, 11:35, Aktualitet CNA

Kryeministri Edi Rama shprehet se Reforma në Drejtësi do të vazhdojë me ligjet kryesore që e pasojnë atë, të cilat kërkojnë 84 vota.

Sipas tij, ata që u dorëzuan përpallë presionit popullor dhe ndërkombëtar do të vazhdojnë të rezistojnë në cdo hap, por sipas tij askush nuk mund të ndal historinë e re të drejtësisë që ka nisur me hirin dhe me pahirin konsensual të 21 korrikut.

?Reforma në Drejtësi do të vazhdojë me ligjet kryesore që pasojnë reformën e miratuar kushtetuese dhe kërkojnë minimumi 84 vota. Ata që u dorëzuan përballë presionit të jashtëzakonshëm popullor e ndërkombëtar dhe presionit të brendshëm që krisi murin shurdh të Partisë Demokratike, do të vazhdojnë të rezistojnë në çdo hap e për çdo ligj të domosdoshëm për zbatimin e reformës kushtetuese. Por nuk kanë shans ta ndalin historinë e re të drejtësisë që ka nisur me hirin dhe me pahirin konsensual të 21 korrikut.?, shrkuan Rama

Më tej, kryeministri thekson se Shqipëria nuk është më ajo që ishte përpara votimit historik të së enjtes së shkuar. Ai thekson se votimi i 21 korrikut i ka hapur rrugë një reforme shembullore në drejtësi. Rama shprehet se vetingu me mbështetje ndërkombëtare i të gjithë gjykatësve e prokurorëve i ka bërë të marrin frymë lirisht investitorët e mëdhenj.

?Shqipëria nuk është më ajo që ishte përpara votimit historik të së enjtes së shkuar; jo vetëm në sytë e Ëashingtonit, Berlinit e Brukselit, po edhe në sytë e komunitetit ndërkombëtar të investitorëve, vendi ynë ka fituar një besueshmëri të re. Votimi i 21 korrikut i ka hapur rrugë një reforme shembullore në drejtësi dhe vetingu me mbështetje ndërkombëtare (parashikuar në kushtetutë) i të gjithë gjykatësve e prokurorëve, i cili do të nisë si një operacion rrënjësor pastrimi nga maja e piramides së korruptuar të gjyqësorit, i ka bërë të marrin frymë lirisht investitorët e mëdhenj. Këtë e konfirmoi sot vetë Presidenti i Bankës Europiane për Rindërtim e Zhvillim.?, përfundon Rama

 





Lajmet e fundit nga