web counter
LEXO PA REKLAMA!

SHKARKO APP

App Store
Google Play

Koalicioni/Basha-Meta, takim 2 orësh në Filadelfia

26 Korrik 2016, 10:33, Aktualitet CNA

Kryetari i Kuvendit Ilir Meta dhe kreu i Partisë Demokratike, Lulzim Basha, mësohet se kanë zhvilluar një takim dy orësh në Filadelfia, madhe edhe kanë darkuar.

Meta dhe Basha kanë udhëtuar drejt SHBA për të marrë pjesë në Konventën e Hillary Clinton, kandidates së Partisë Demokrate për zgjedhjet presidenciale.

Në takim mund të jetë diskutuar mbi opsionin e një qeverie teknike, që do të garantonte zgjedhjet e ardhshme parlamentare, duke synuar kështu mos lejimin e një skenari tjetër, atë të krijimit të një krize që do të çonte në rrëzimin e Qeverisë Rama dhe zgjedhjet e menjëhershme parlamentare.

Takimi Basha-Meta vjen në një kohë kur Kreu i LSI-së, njëherëz dhe i Kuvendit, ka shfaqur hapur mundësinë e daljes nga koalicioni me Partinë Socialiste dhe krijimin e një qeverie teknike, që do të përgatisë zgjedhjet e parakohshme.

Kjo tezë ishte artikuluar më herët nga Kreu i PD-së, Lulzim Basha, por vetëm gjatë ditëve të fundit të reformës në drejtësi, Meta u shpreh hapur në mbështetje të saj.

Gjithashtu duket se dy partitë, që kanë bashkëqeverisur vendin në mandatin 2009-2013, kanë ofruar qëndrimet rreth disa prej çështjeve më kryesore, sikundër ishte ajo për reformën në drejtësi. PD e drejtuar nga Basha prej kohësh ka ndërprerë çdo akuzë ndaj LSI, ministrave të saj, apo Kryeparlamentarit, ndërsa sulmet janë përqëndruar tek Kryeministri dhe ministrat socialist.

Një ditë më parë në Kuvend, ish-Kryeministri Sali Berisha deklaroi se nga reforma në drejtësi fitoi PD dhe LSI, ndërsa doli e humbur PS. /citynews/





Lajmet e fundit nga