web counter
LEXO PA REKLAMA!

SHKARKO APP

App Store
Google Play

E fundit!

x

Tatimet/Brisida Shehaj drejt shkarkimit

25 Korrik 2016, 16:15, Aktualitet CNA

Brisida Shehaj, drejtoresha e Përgjithshëm e Tatimeve, pritet të shkarkohet. Burime qeveritare bënë të ditur për Citynews se vendimi  do të zyrtarizohet në një nga ditët në vijim.

Raporti i fundit i FMN-së, përplasjet e forta me biznesin dhe rezultatet e dobëta me të ardhurat nga tatimet, së afërmi do sjellin edhe largimin nga detyra të Drejtoreshës së Përgjithshme të Tatimeve Brisida Shehaj.

Citynews ka publikuar raportin e Fondit Monetar Ndërkombëtar për Shqipërinë ku tregohet dështimi i Drejtorisë së Tatimeve në fushatën ndaj informalitetit. Sipas raportit vetëm Tirana ka rezultuar në realizim të planit, ndërsa rajone të tjera të vendit kanë probleme të theksuara në treguesit e fushatës ndaj informalitetit.

“Fushata duhet të fokusohet më shumë në përfundime afat-gjata, duke përdorur ekspertizë dhe profile të reja risku nga njësia e riskut të tatimeve dhe doganave. Analiza e riskut nga njësia e bashkuar te taksave/doganave dhe inteligjenca operacionale ka informuar lidhur me rezultatet e fushatës ndaj informalitetit.

Këto shifra tregojnë për një impakt në rritjen e numrit të regjistrimit të taksapaguesve dhe informacionet e para tregojnë edhe për një rritje të të ardhurave nga fushata. Për shembull, verifikimi i 1358 taksapaguesve me TVSH deri në 8 Mars 2016 kanë rritur të ardhurat me 2961 miliardë lekë, me një rritje prej 81%. Rajone të veçanta kanë ndryshime të theksuara të këtyre shifrave, por rajoni i Tiranës ka regjistruar një rritje prej 100% me 651 raste me një rritje prej 1585 milionë lekë dhe bizneset e mëdha rakorduan të ardhura 1141 milionë lekë në vetëm 8 raste, nga 15 të tilla. Është një udhëzim i fortë pas fushatës dhe autoritetet kanë nevojë të vazhdojnë rifokusimin e ndërhyrjeve në nivel të lartë, në segmenetet e taksapaguesve me risk të lartë dhe duke implementuar korniza moderne të menaxhimit të riskut.” thuhet në raportin e FMN-së.

Largimi i Shehajt tashmë është një fakt që po përflitet fort brenda qeverisë. Shehaj ka pasur mbështetjen e fortë të kryeministrit Edi Rama, mbështetje e cila nuk mjafton që ajo të rezistojë më tej.

Plani dhe të ardhurat janë problemi që sa vjen dhe rëndon qëndrimin e saj në kryen të institucionit.

FMN në raportin e saj të fundit, një nga pikat më kritike ka punën dhe performancën e Shehajt, ky raport është publikuar disa ditë më parë ekskluzivisht në citynews.al.

Shehaj duket se tashmë e ka kryer ciklin e saj në krye të institucionit ku qëndron prej gati 3 vitesh, por performanca e saj më shumë ka qenë propagandistike se reale.

Pas largimit të Elisa Spiropalit nga Drejtore e Përgjithshme e Doganave, Shehaj u përfol si ?viktima? e rradhës pas persormancës së dobët, por drejtoresha e tatimeve i rezistoi edhe disa muaj largimit nga detyra. Tani largimi i saj është një fakt i pashmangshëm, që duket si veprim jo vetëm për të rritur performancën e tatimeve por edhe si fryme dhe lehtesi ndaj biznesit. Largimi i saj nga disa faktorë shihet edhe si beteje Bbrenda qeverisë dhe strukturave të mazhorancës./citynews/

Lajmi i parë, publikuar nga citynews

Ekskluzive raporti i FMN/ Dështon Brisi dhe tatimet, vetëm Tirana bën planin





Lajmet e fundit nga