web counter
LEXO PA REKLAMA!

SHKARKO APP

App Store
Google Play

Përplasja me kunatin e Tahirit/ Reagon policia: Nuk është shkarkuar asnjë punonjës

24 Korrik 2016, 11:22, Aktualitet CNA

Policia e Shtetit ka reaguar sot pas deklaratës së Partisë Demokratike për dy standartet e përdorura nga ky institucion në lidhje me ngjarjen e ndodhur me kunatin e ministrit të Brendshëm, Saimir Tahiri dhe me një ngjarje të ndodhur një muaj më parë me një biznesmen.

Ishte ish-kryeministri Sali Berisha ai që denoncoi disa ditë më parë faktin se 7 punonjës të policisë janë larguar nga detyra për shkak të një përplasjeje me kunatin e ministrit Tahiri. Sipas Berishës, policia kishte marrë informata se një person i armatosur ndodhej në një zonë të Tiranës, por pasi mbërritën në vendngjarje, u përplasën me kunatin e ministrit, i cili u kishte kërkuar të largoheshin.

Në lidhje me deklaratën e Partisë Demokratike, Policia e Shtetit thekson se nuk është shkarkuar asnjë punonjës i policisë.

Në deklaratë theksohet fakti se  për të dyja rastet është kryer procedura ligjore e verifikimit të përgjegjësive, procedurë standard që ndodh sa herë që një qytetar ka ankesë për veprimet e policisë

Deklarata e Policisë

Referuar deklaratës së subjektit politik PD lidhur me shkarkimin e 7 punonjësve të policisë, Policia e Shtetit bën me dije se ky fakt është tërësisht i pavërtetë.

Në asnjërën prej ngjarjeve të cituara në deklaratë, nuk është shkarkuar asnjë punonjës policie, ndaj pretendimet dhe akuzat e bëra publike, janë thjesht fakte të pavërteta.

Siç parashikon kuadri ligjor, për të dyja rastet është kryer procedura ligjore e verifikimit të përgjegjësive, procedurë standard që ndodh sa herë që një qytetar ka ankesë për veprimet e policisë.

Policia e Shtetit thekson edhe njëherë përkushtimin maksimal ndaj detyrës dhe ligjit për të zbatuar ligjin ndaj çdo individi.

 





Lajmet e fundit nga