web counter
LEXO PA REKLAMA!

SHKARKO APP

App Store
Google Play

E fundit!

x

Braçe: Po s’miratuam reformën, Shqipëria rrezikon të ketë murin më të lartë nga BE/SHBA që pas rënies së diktaturës

18 Korrik 2016, 16:29, Aktualitet CNA

Deputeti socialist, Erjon Braçe, i ka bërë thirrje qytetarëve të kërkojnë Reformën në Drejtësi.

Përmes një postimi në rrjetet sociale, Braçe shkruan për situatën politike në vend se ky është muri më i lartë që perëndimi ka ngritur për Reformën në Drejtësi përballë Lulzim Bashës, Sali Berishës dhe kujtdo tjetër që i bashkohet.

Brace thekson se nëse reforma nuk miratohet, Shqipëria rrezikon të ketë murin më të lartë që ka pasur pas rënies së diktaturës.

Braçe i bën thirrje qytetarëve, pavarësisht bindjeve politike të mos e lejojnë këtë dëm historik.

?Një gjë di tju them: ky është muri më i lartë që perëndimi, Bashkimi Europian dhe SHBA, kanë ngritur për reformën në drejtësi, përballë Lulzim Bashës, Sali Berishës dhe  Partisë Demokratike, kujtdo që i bashkohet!!

Një thirrje kam për cilindo, socialist ose jo, cdo shqiptari: mos lejoni që ky mur ti ngrihet Shqipërisë!! Rrezikojmë pikërisht këtë me 22 Korrik; një mur edhe më të lartë, më të lartin që pas rënies së diktaturës.

Mos rrini e thjesht shikoni; Foluni deputetëve tuaj, pavarësisht se cilët janë e të kujt janë, socialistë, pedëiste, lësëiste, republikanë, agrarë, demokristianë, camë apo të pa angazhuar. Mos i lejoni tua bëjnë këtë dëm historik!!?, shkruan Brace në Facebook./citynews/





Lajmet e fundit nga