E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Nga Tedi Blushi/ Sa vlerë ka jeta në këtë vend? Shumë pak ose aspak!

13 Korrik 2016, 16:56, Aktualitet CNA

Një nënë u masakrua sot. Në mënyrën më të shëmtuar. Aq sa rrotat e asaj makine që i morrën tragjikisht jetën na shtypën pothuajse të gjithëve. Nëna arriti të shpëtojë fëmijët e saj. Por atë nuk e shpëtoi kush. Ajo sot nuk jeton më! Po a e dini sa kohë iu desh autoambulancës ta çonte të ndjerën në spital? Si e çau trafikun në mungesë të një korsie emergjence që duhet të qëndrojë gjithmonë bosh? A keni parë autoambulanca që hipin në trotuarë për të çuar pacientë në spital? A ju sqaroi kush sot në punonte ai dreq semafori në kryqëzim? Kush ia dha patentën autorit? A ke fëmijë që nuk ka mbushur moshën 18 vjeç por që ti krenohesh që e ka mësuar makinën? Po që në spital mund të vdesësh për mungesë ilaçesh a e di? Se për një injeksion duhet të paguash 5 mijë lekë infermieren ndryshe jeta të varet në fijen e perit. A nuk vrasim sot për një gërvishtje makine? Po për një vijë uji? Po për një vështrim ndaj së dashurës në lokal? Po për një fjalë goje? Për një të parë në sy? A e di që burri yt mban armë në shtëpi dhe i ke thënë ta dorëzojë në polici? A ke folur ndonjëherë me fëmijën tënd për efektet e drogës? A e di që komshiu yt mban armë dhe e ke denoncuar? Po që u shet drogë kalamajve? E di dhe ke heshtur apo ke folur? A nuk pranojmë të vdesim nga kanceri me antenat e celularëve mbi çatitë e pallatave? Me perimet e frutat gjithë pesticide që konsumojmë? A nuk helmohemi përditë nga uji i pisët? Nga ushqimet e skaduara që shesin supermarketet? Nga mishi ?argjentinas? e pulat ?braziliane? që tregëtohen sheshit? A nuk jetojmë mbi dyqane që shesin bombola gazi? A ke afër pallatit ndonjë pikë karburanti? A pranon të ecësh në një autostradë pa sinjalistikë rrugore? Ja pra! Kaq vlerë ka jeta e secilit prej nesh në këtë vend! Secili në fije të perit! Ndaj dhe indiferenca dhe mosreagimi kolektiv merr përditë jetë njerëzish! Si në një bilanc lufte…