web counter
LEXO PA REKLAMA!

SHKARKO APP

App Store
Google Play

Kakavijë/ Goditen dy raste trafiku ndërkombëtar droge

10 Korrik 2016, 17:00, Aktualitet CNA

Shërbimi i Policisë Kufitare Kakavijë ka  evidentuar ditën e djeshme një rast të Trafikimit të lëndëve narkotike.

Gjatë kontrollit në vijën e dytë të autobusit të linjës Tiranë -Athinë, në bagazhin e tij  u konstatua një mobilje (tavolinë), brenda së cilës ishte krijuar një vend i fshehtë, ku u gjetën 6 pako të mbështjella me natriban, gjithsej  6.8 kilogramë lëndë narkotike e dyshuar Cannabis Sativa.

Në përfundim të veprimeve të para hetimore të  kryera nga Specialistët Kundër Narkotikëve në Drejtorinë Vendore të Policisë Gjirokastër u bë arrestimi në flagrancë i shtetasit:

Florian Gjoni, 29 vjeç banues në Fier, punonjës i agjencisë, pasi ky shtetas e ka nisur porosinë me autobus, të cilën pretendon se e ka marrë nga një shtetas tjetër të cilin nuk e njihte.

Materialet i kaluan Prokurorisë pranë Gjykatës së Krimeve të Rënda Tiranë për veprën penale “Trafikim i lëndëve narkotike”

Gjithashtu  po në Kakavijë, pas disa orëve Policia Kufitare  goditi një tjetër rast të Trafikimit të lëndëve narkotike.

Gjatë kontrollit  të ushtruar  në vijën e dytë në automjetin tip ?CADDY? me targa AA 458 NV, që drejtohej nga shtetasi  Flamur Omeri , 64 vjeç, banues në Patos, punonjësit e Policisë Kufitare kanë  konstatuar në gomën rezervë dhe në  brendësi të dy parafangove 14 pako të mbështjella me natriban me peshë 9.2 kg,  lëndë narkotike  e dyshuar Cannabis Sativa.

Pesha totale e lëndës narkotike  për të dyja rastet është 16 kg Cannabis Sativa, ku  së bashku me automjetin ?CADDY? u sekuestruan në cilësinë e provës materiale.

Veprimet proceduriale për arrestimin e dy shtetasve të sipërpërmendur u kryen nga Specialistët Kundër Narkotikëve në Drejtorinë Vendore të Policisë Gjirokastër.

Materialet i kaluan Prokurorisë pranë Gjykatës së Krimeve të Rënda Tiranë për veprën penale “Trafikim të lëndëve narkotike “.





Lajmet e fundit nga