web counter
LEXO PA REKLAMA!

SHKARKO APP

App Store
Google Play

E fundit!

x

Armëmbajtjet pa leje/Propozohet përgjysmimi i dënimit me burg. Ja ndryshimet e reja në Kodin Penal

9 Korrik 2016, 10:46, Aktualitet CNA

Qeveria propozon përgjysmimin e dënimit në rastet e armëmbajtjes pa leje. Ndërsa Kodi Penal parashikon dënimin me 15 vite burg për veprën penale të armëmbajtjes pa leje, Qeveria përmes një projektligji propozon ndryshimet në Kodin Penal duke ulur dënimin në 7 vite burg.

Propozimi i Qeverisë vjen pasi Gjykata Kushtetuese ka shpallur si anti-kushtetuese ashpërsimin e dënimeve të bëra më 5 dhjetor të 2015-ës dhe pse ashpërsimet u argumentuan si masa të luftës ndaj krimit të organizuar dhe parandalimit të ngjarjeve kriminale.

Sipas ndryshimeve të propouara nga Qeveria, prodhimi, shit-blerja, ofrimi për shitje, tregtimi apo transporti i municioneve luftarake dhe lëndëve plasëse i armëve shpërthyese pa lejen e organeve shtetërore propozohet të ketë një dënim nga 5 deri në 10 vite maksimumi, ndërsa me ndryshimet e shfuqizuara nga kushtetuesja ishte 5 deri në 15 vite.

Ulje dënimi ka pësuar dhe armëmbajtja pa leje në banesë për të cilën propozohet një dënim me 1 deri në 3 vite burg, nga 1 deri në 5 vite që ishte më parë.

Mbajtja pa leje e lëndëve shpërthyese përfshi mina, bomba, tritol dënimi propozohet të jetë nga 1 në maksimumi 4 vite duke përgjysmuar kështu dënimin që ishte më parë nga 5 vite në 8 vite.

Drafti propozon ulje dënimi dhe për armët e ftohta dhe tregtimin e tyre duke e çuar dënimin në 1 deri në 5 vite burg nga 3 deri në 8 që ishte aktualisht për ?armët e ftohta si shpatat, bajonetat, thikat dhe mjete të tjera të përgatitura e të destinuara posaçërisht për sulm kundër personave ose për vetëmbrojtje, pa lejen e organeve kompetente?.





Lajmet e fundit nga