web counter
LEXO PA REKLAMA!

SHKARKO APP

App Store
Google Play

E fundit!

x

OBSH kundër koncesionit të Check-Up/ Të mos jetë i përfshirë në partneritetin publik-privat

30 Qershor 2016, 07:26, Aktualitet CNA

Organizata Botërore e Shëndetësisë është kundër koncesionit të kontrollit bazë ose Check-Up, siç është prezantuar nga Ministria e Shëndetësisë. Këtë shërbim, Ministria e Shëndetësisë e ka dhënë me koncesion. Por Organizata Botërore e Shëndetësisë thotë se ky shërbim duhet të jetë i ndarë nga çështja e partneritetit-publik privat ose 3 P-të.

Drejtorja e OBSH-së për Evropën Juglindore, e ftuar në një seancë dëgjimore në Komisionin e Shëndetësisë, Suzana Jakab, u shpreh se Check-Up-i në vetvete është iniciativë pozitive pasi mund të evidentojë sëmundje të ndryshme, por ky shërbim sipas saj, duhet të jetë i ndarë nga çështja e Partneritetit Publik-Privat. ?Sa i përket procesit të kontrollit bazë (Check-Up) mendoj se ai duhet të jetë i ndarë nga çështja e partneritetit publik privat.

Check-Up në vetvete është një iniciativë shumë pozitive sepse në bazë të tij është e mundur të evidentohen raste me hipertension, raste të diabetit etj. Mirëpo, siç e thashë, rekomandimi ynë ka qenë që nëse do të bëhet depistim, atëherë patjetër duhet të afrohet trajtim në rastet e evidentuara. Me sa më është thënë në rastin kur ka evidentime pas depistimit, trajtimi fillohet?, tha zonja Jakab dje në Komisionin e Shëndetësisë. Ajo shtoi se për kontrollin bazë privati ofron vetëm asistencë teknike, ndërsa janë klinikat e lagjeve që e kryejnë këtë shërbim, raporton “Sot”

?Me sa mu tha, Check-Up bëhet nga mjeku i familjes në qendrën e kujdesit parësor kurse privati është ai i cili ofron më tepër mbështetjen logjistike dhe bën transportin e kampioneve nga qendra ku merret kampioni drejt laboratorit?, shtoi drejtoresha e OBSH për Europën Juglindore. Kjo përgjigje erdhi pas interesimit të kryetares së Komisionit të Shëndetësisë, Albana Vokshi, e cila tha se ka të dhëna se ky koncesion është i parregullt. PD shpesh e ka akuzuar ministrin Ilir Beqaj për korrupsion me koncesionin e Check-Up-it.





Lajmet e fundit nga