Ilir Meta do "kokën" e Saimir Tahirit

20 Qershor 2016, 12:04, Aktualitet CNA

Përplasjet brenda mazhorancës vazhdojnë të thellohen, jo vetëm për qëndrimet ndaj reformave, por edhe për segmente të ndryshme të qeverisë.

Kreu i Kuvendit Ilir Meta duket se është stoik në qënrimet e tij dhe çdo lëvizje politike që kryen duket të jetë një presion I hapur ndaj Edi Ramës.

Ai e filloi me përplasjen për Damian Gjiknurin i cili u akuzua kohë më parë nga LSI se ishte personi që nxorri në public dosjen CEZ-DIA.

Pas kësaj përplasje dhe një krisjeje që po shkonte drejt ndarjes erdhi qetësimi, dhe palët gjetën zgjidhjet. Meta nuk i harroi inatet e tij dhe ju përgjigj Edi Ramës me emërimin e Ylli Manjanit si ministër Drejtësie. Një person që ishte vija e parë e sulmit ndaj Ramës në çdo moment.

Ky veprim i Metës për të gjuajtur kryeministrin nuk ishte i vetmi dhe i funit. Mesohet se Ilir Meta ka rritur presionin ndaj Edi Ramës duke filluar flirtet me Lulzim Bashën. Jo vetëm takimi Basha-Meta, por edhe levizjet e tjera të Metës për reformën në drejtësi tregojnë hapur se ai jep sinjale të forta se ?dashuria? me Lulin nuk harohet.

Dhe ky veprim i Metës ka një qëllim final në lojën e tij politike. Meta ushtron presion të vazhdueshëm për të goditur sërish kreun e qeverisë, jo si hakmarrje por kërkon ?kurban? ndaj veprimeve që atij i duken keqdashëse nga ministra të Ramës.

Pas Gjiknurit, Ministri i Brendshëm Saimir Tahiri, duket të jetë në ?grykën e topit? të Ilir Metës. E gjithë lufta dhe presioni i kreut të Kuvendit bëhet për të larguar nga posti i ministrit të Brendshëm njeriun e besuar të Ramës, i cili së fundi është i akuzuari kryesor për skandalin e përgjimeve. Meta dhe të tijtë janë ata që e publikuan dhe nxitën këtë skandal nëpërmjet kanaleve të opizitës. Tani ka ardhur koha që përgjegjësi, i cili ka guxuar të përgjojë kreun e kuvendit të marë kostot politike.

E gjithe loja e Ilir Metës së fundi është krejtësisht e lexueshme. Presion i vazhdueshëm ndaj Ramës për rrëzimin e qeverisë, dhe në fund pazari i tij është koka e Saimir Tahirit por edhe e ndonjë ministri tjetër që ka gabuar në ?sjelljet? dhe veprimet e tij. Presioni vazhdon. /citynews