web counter
LEXO PA REKLAMA!

SHKARKO APP

App Store
Google Play

E fundit!

x

"Përgjimet"/ Paloka: Rama dhe Tahiri, frikë se ky skandal do ti marrë me vete

9 Qershor 2016, 13:16, Aktualitet CNA

Nënkryetari i Partisë Demokratike, Edi Paloka, tha gjatë fjalës së tij në parlament se kryeministri Edi Rama dhe ministri Saimir Tahiri janë të frikësuar se skandali i përgjimeve do ti marrë me vete. Sipas Palokës, kjo është arsyeja se pse ata iu sulën me tërbim gjyqësorit.  Nënkryetari i PD, theksoi se drejtori i pezulluar i policisë, Haki Çako, po flet dhe nuk pranon të bëhet kokë turku.

?E ndoqëm dje se me çfarë histerie e tërbimi u sulën Tahiri e Rama mbi gjyqtarë e prokurorë, për një rast mëse evident, të një krimi shtetëror, tanimë të pranuar dhe nga vetë drejtori i policisë.

Histeria e djeshme ishte nga paniku se Çako po flet e nuk pranon mesa duket të bëhet kokë turku. Për këtë sulen me tërbim dhe Rama e Tahiri, jo sepse janë të shqetësuar për drejtësinë, por sepse kanë frikë se ky skandal do ti marrë me vete këta të dy. Mos harrojmë që për një skandal të ngjashëm ka ikur dhe një President i SHBA-së?, tha ai

Më tej, Paloka u shpreh se: Kaq besoj mjafton për të kuptuar se cfarë drejtësie kërkon Edvin Rama  dhe pse ne, pse kjo opozitë e kundërshton drejtësinë për të cilën flet Edvin Rama. Rama kërkon një drejtësi që të mbrojë kriminelët, vrasësit, trafikantët e përdhunuesit sepse kolanës së tij të deridjeshme, ku kishte vrasës në parlament, trafikantë prostitutash, trafikantë droge, iu shtua edhe Rrosh përdhunuesi, dhe sot, e patë që bërtiste këtu kundër gjyqtarit që paska liruar një përdhunuesi. Po kush është ai që e cakton përdhunuesin kryetar bashkie? Ky këtu, është. Ky është autori që përdhunuesin e bën kryetar bashkie e ndan pushtet me kriminelë të tjerë me të cilët ai ka mbushur administratën dhe ka zënë bashkitë. Kriminelë që harrojnë se sa krime kanë kryer. Kërkon të mbrojë hajdutët e tij në qeveri e Parlament, që vazhdojnë të grabisin shqiptarët duke përfituar nga postet që mbajnë dhe lidhja me Ramën.

Rama kërkon të mbrojë Rroshët, Bushët, Bardhët, Kokëdhimët, Prengët, Beqët, Frrokët e Tahirët. Kërkon të mbrojë veten.?, tha Paloka





Lajmet e fundit nga