E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Mashtrimi i Erion Veliajt me çmimin e biletave të transportit urban

29 Maj 2016, 07:50, Aktualitet CNA

Në fund të vitit 2015, Bashkia e Tiranës dhe kryebashkiaku Erion Veliaj, rritën çmimin e biletës me 33 %, vendim i cili hyri në fuqi më 1 shkurt dhe që u justifikua me përmirësimin e cilësisë së shërbimit. Gazeta ?SOT? shkruan se përmirësimi i kushteve të urbaneve të Tiranës rezulton të jetë mashtrim, thjesht një justifikim për të rritur të ardhurat për kompanitë private që menaxhojnë transportin urban.

Veliaj tha se, nisur nga 1 shkurti kur hyri në fuqi çmimi i rritur i biletës, urbanet do të zbatonin oraret, do të ishin më të pastra dhe komunikimi arrogant i fatorinove do të ndryshonte. Në fakt, asnjë e tillë nuk ka ndodhur.

Gazeta ?Sot? ka bërë një vëzhgim të urbaneve dhe rezultati është që premtimet e Veliajt janë mashtrime. Ndërsa temperaturat rriten, kondicionerët e urbaneve nuk ndizen, edhe pse buxheti i tyre krahasuar me një vit më parë, është rritur. Oraret nuk respektohen, ndërsa komunikimi me fatorinot është gati i pamundur. Nga vëzhgimi rezulton që linja e Unazës është ndër më problematiket. Urbanet e kësaj linje herë pas herë e ndezin kondicionerin, por oraret nuk respektohen. Ndodh që pritja e qytetarëve në stacion të zgjasë deri në 20 minuta, çka shkakton mbipopullim. Ndërkohë, një problem shumë i theksuar është lëvizja e urbaneve me shpejtësi marramendëse, aspak normale për një mjet të transportit publik.

Të futesh dhe të dalësh nga urbanet e kësaj linje është e rrezikshme, mbyllja e dyerve ndodh ende pa hyrë dhe pa dalë njerëzit. Rritja e çmimit të biletës i ka shërbyer kësaj linje që të shtojë numrin e të punësuarve me uniformë bashkie, që bëjnë kontrolle të shpeshta, mos ndonjë qytetar nuk ka dorëzuar 40 lekëshin. Ndërkaq, linja e Tiranës së Re dhe Kombinatit rezultojnë të jenë më të rregullta.

Linjat e tjera të urbanëve po ashtu janë shumë problematike. Linja Qendër-Tregu Elektrik qarkullon çdo 30 minuta. Qytetarët që e marrin gati përditë këtë linjë për të bërë lëvizjet e tyre në Tiranë, thonë se bashkia duhet të shtojë urbanet, pasi udhëtimi është torturues. ?Unë lëviz çdo ditë, ndonjëherë dhe dy ditë me këtë urban. Kjo linjë kalon në stacion çdo 30 minuta dhe është përherë e mbipopulluar, sidomos në oraret e mëngjesit kur fëmijët shkojnë në shkollë. Bëhemi marmalatë. Tortura e vërtetë do të nisë tani që temperaturat do të bëhen shumë të larta. E shikoni edhe vetë, këtu nuk ndizet kondicioneri. Na e rritën çmimin dhe asgjë nuk ka ndryshuar. Të paktën ta pastrojnë më shpesh?, tha një qytetar, rreth të 60-ve.

Linja e Porcelanit po ashtu i mban kondicionerët të fikur. Qytetarët thonë se kjo linjë është e rregullt me oraret, por sërish nuk ka ndryshim nga rritja e çmimit të biletës. Luan Spahiu, një qytetar në pension, thotë se rritja e çmimit të biletës është e papërballueshme për të, ndërsa prej 1 shkurtit asgjë nuk ka ndryshuar. ?Unë jam pensionist. Nuk përballoj dot blerjen e ilaçeve. Veliaj rriti çmimin e biletave por asnjë përmirësim nuk solli, vetëm që urbanet fitojnë më shumë?, tha Luani. Linja e Saukut ka të njëjtat probleme si ajo e Porcelanit dhe po e tillë është dhe linja e Qendër-Materniteti i Ri.