web counter
LEXO PA REKLAMA!

SHKARKO APP

App Store
Google Play

Asambleja Parlamentare e NATOS-s, në tetor me seminar në Prishtinë

29 Maj 2016, 20:32, Aktualitet CNA

Nënkryetari i Kuvendit të Kosovës, Xhavit Haliti i cili po merr pjesë në punimet e Sesionit Pranveror të Asamblesë Parlamentare të NATO-s, në Tiranë, si përfaqësues i Kuvendit të Kosovës, që në këto punime ka statusin e vëzhguesit, ka zhvilluar edhe disa takime me përfaqësues të shteteve të ndryshme, ku ndër të tjera i njoftoi edhe për seminarin që do të organizohet në Prishtinë nga AP e NATO-s në bashkëpunim me Kuvendin e Kosovës, nga data 21 deri më 25 tetor të këtij viti.

Kështu bëhet e ditur përmes një komunikate për media e lëshuar nga Kuvendi i Republikës së Kosovës.

KOSOVE-NATOSipas kësaj komunikate delegacioni nga Kuvendi i Kosovës i përfaqësuar nga nënkryetari i Kuvendit, Xhavit Haliti, ishte në punimet e Komisionit për Politikë dhe Komisionit për Mbrojtje dhe Siguri.

Haliti gjithashtu zhvilloi edhe takime bilaterale me përfaqësuesit e delegacionit zviceran dhe atij grek në Asamblenë Parlamentare të NATO-s.

Në komunikatë thuhet se në takimin me udhëheqësen e delegacion zviceran në AP të NATO-s, Corna Eichenberger, u diskutua lidhur me çështjet që përfshijnë fushën ekonomike, trajtimin e emigrantëve, si dhe çështjen e pensioneve. Ndërsa, në takim me udhëheqësin e delegacionit grek, Christos Karagiannidis, u diskutuan mundësitë për të ngritur intensitetin e takimeve mes parlamentarëve të të dyja shteteve, duke shërbyer kështu në ngritjen e bashkëpunimit ndërparlamentar.





Lajmet e fundit nga