E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Ben Blushi: Parlamenti në garë se cila palë i ka shkaktuar më shumë dëme Shqipërisë

26 Maj 2016, 16:59, Aktualitet CNA

Deputeti socialist, Ben Blushi tha sot gjatë fjalës së tij në parlament se parlamenti është kthyer në një garë se kush palë ka kryer më shumë dëme, kush ka futur më shumë kriminelë në parlament. Ai tha se ligji për dekriminalizimin duhet të kapë personat me precedentë, por kjo nuk po ndodh për shkak të një pakti ndërpartiak.

?A foli njeri në dobi të shqiptarëve. Ca ndodhi sot në këtë seancë. U bë një garë dëmesh. Kush e ka dëmtuar më shumë Shqipërinë. Kjo palë apo pala tjetër. Kush ishte gara e përsëritur apo e riparë. Kush i ka kriminelët më të padukshëm. Kush ja futur më pak njerëz me precedentë penalë. Kush nga ata që ligji i dekriminalizimit duhet ti kapi por mesa duket nuk po i kap për shkak të një pakti ndërpartiak. Kjo do të thotë që gara e dëmeve ka për të vazhduar?, u shpreh Blushi

Më tej Blushi ka folur për tokat bujqësore dhe për aktet e propozuara nga qeveria. Ai u shpreh se këto akte shtyjnë afatin e zgjidhjes së kësaj cështjeje duke paraqitur 5 pika, të cilat sipas tij nuk i japin zgjidhje.

? Cfarë u tha sot, dhe për një pikë e cila ka ardhur sot që përpiqet të trajtojë tokat bujqësore dhe të vendosi një normë dhe që qeveria ka propozuar padrejtësisht e cila shtyn masakrën ndaj pronave bujqësore. Dy aktet për shtyrjen e afatit të pronave. Ca bëjnë këto akte. E shtyjnë copëtimin e pronave. Ushqejnë korrupsionin sepse kryebashkiakë dhe kryetar komunash japin tapi për toka që nuk i takojnë. Këto akte së pari, nuk i japin fund cështjes së kthimit të pronave. Së dyti, padrejtësish ato i japin mundësi enteve lokale, bashkive të abuzojnë me tokat publike apo tokat e ish-pronarëve. E treta, kjo është një amnisti për abuzimin sepse e mëson administratën të re apo të vjetër që abuzimet e saj në 25 vjet ne mund ta shtyjmë. E katërta, i themi pronarëve se atyre nuk do ti shtyhen afatet e aplikimit për tokat që i takojnë kurse atyre që nuk kanë tokë fare dhe ndoshta nuk i takon ja shtyn afatin e aplikimit. E ku është standarti këtu? E pesta, i themi investitorëve që vijnë në Shqipëri që këtu cështja e pronave dhe e tokave do vazhdojë të mbetet e pazgjidhur? u shpreh Blushi

Gjatë fjalës së tij deputeti Ben Blushi theksoi se ligji 7501 ende nuk po i mbaron efektet. Sipas tij për shkak të këtij ligji pronat bujqësore po vazhdojnë të copëtohen. Ai përmendi raste kur kryetarë komunash dhe bashkish japin me patëdrejtë prona bujqësore dhe gjykata i ka rrëzuar këto vendime, por ligji nuk përcakton se kujt do ti shkojnë këto prona.

?Sot ishte dita për të bërë një pyetje kur do mbarojë efektet ligji 7501. Për shkak të këtij ligji tokat shqiptare do të vazhdojnë të copëtohen. Për të gjitha rastet e konflikteve gjyqësore, kur dikush ka marrë me patëdrejtë me një firmë kryetari komune dhe gjykata ka vendosur që është e pavlefshme. Kjo tokë kthehet në tepricë në fondin e tokave. Por ky ligj nuk e thotë kush e merr këtë tepricë, shteti, apo kthehet në një të mirë publike. Kush e ka të drejtën ti ndajë këto prona? Kryetarët e bashkive? Është e pamundur që ato ti ndajnë në mënyrë të drejtë këto toka. Ja pra si vazhdon metoda e Saliut edhe pa qenë në pushtet? tha ai