web counter
LEXO PA REKLAMA!

SHKARKO APP

App Store
Google Play

E fundit!

x

Dekriminalizimi/ Flasin ekspertët: Ja pse dështoi ligji

24 Maj 2016, 06:45, Aktualitet CNA

Pas publikimit të formularëve të dekriminalizimit, në radhët e kryebashkiakëve, deputetëve dhe ministrave rezultuan personazhe të akuzuar për vepra kriminale dhe korrupsion, por ky ligj, i cili u miratua me aq shumë bujë, i shpëtoi nga humbja e postit publik. Juristët kanë argumentuar arsyet e dështimit të ligjit për dekriminalizimin, i cili nuk dha asnjë efekt për të shpëtuar administratën dhe politikën nga individë, të cilët akuzohen për vepra korruptive dhe kriminale.

Në një prononcim për gazetën ?Sot?, Juristi Sokol Hazizaj,  ka deklaruar se ligji që kur u hartua, ishte antikushtetues dhe nuk do të jepte efektet për të cilat u miratua. Hazizaj u shpreh se ligji nuk ka as qëllim dhe as përmbajtje, ndërsa shtoi se ligji u hartua si në kohën e komunizmit. ?Në përmbajtjen e tij, ligji për dekriminalizimin përmban vetëm penalitetin e deklarimit ose jo të së vërtetës, por nuk përmban penalitetin në lidhje me atë çka ai në frymë dhe në përmbajtje bie në kundërshtim me Kushtetutën dhe nuk realizon asnjë objektiv për të cilën moralisht është ngritur. Në Partinë e Punës shpreheshin mbi fletërrufenë e bulevardit kryesor dhe asgjë më tepër. Është një ligj që nuk ka as qëllim dhe as përmbajtje. Parë në këndvështrimin formal dhe juridik ligji për dekriminalizimin ka në fokus dhe në objektiv të vetin vetëm ndryshimin e emrit nga Rama dhe ndryshimin e mbiemrit nga Berisha?, u shpreh Hazizaj.

Juristi Hazizaj tha se ligji është me karakter politik, dhe për këtë qëllim duket se është hartuar. ?Ka qenë më tepër politik sesa në realizim të objektivave që mund të kishte dhe të realizonte në shoqërinë shqiptare. Vetë ligji, po ta shohësh në përmbajtje, krijon mundësinë e përdorimit të disa standardeve dhe kjo e shmang atë nga të qenurit një proces i rregullt ligjor?, u shpreh Hazizaj.

Avokati Genc Gjokutaj ka theksuar se, nëse nuk realizohet dekriminalizimi i politikës, nëse ligji nuk sjell efektet e tij, atëherë është i dështuar. Ndërkaq, Gjokutaj e lidh dekriminaliziminm edhe me reformën në drejtësi. Gjokutaj theksoi se pa dekriminalizimin e politikës, kjo politikë nuk mund të ketë moralin për të bërë reformën në drejtësi. ?Ligji është i dështuar kur kandidatët e dekriminalizuar vendosin për reformën në drejtësi. Pa u bërë dekriminalizimi nuk bëhet reforma në drejtësi. Për mua juridikisht vepron në hapësirë dhe në kohë, pra duhet ezauruar dekriminalizimi i politikës dhe pastaj kjo politikë të ketë kartën morale për të bërë reformën në drejtësi?, u shpreh Gjokutaj.

Avokati Sajmir Vishaj e cilëson antikushtetues ligjin dhe gjithashtu e cilëson alarmante situatën ku në Kuvend ka persona të dënuar për korrupsion. ?Ligji për dekriminalizimin është antikushtetues sepse ekzistojnë institucionet e së drejtës materiale penale, siç është rehabilitimi, amnistia, parashkrimi. Ajo që është e vërtetë është se kemi shumë persona të dënuar qoftë për korrupsion, qoftë për shpërdorim detyre ose për vepra të rënda penale jashtë territorit të Shqipërisë, të cilët janë të zgjedhur qoftë në Kuvend në drejtim të pushtetit administrativ. Është alarmante kjo gjendje?, tha Vishaj.

 





Lajmet e fundit nga