E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Galdini: E meritojmë Europën vetëm nëse bëjmë Reformë në Drejtësi dhe Zgjedhje te Parakohëshme

9 Maj 2016, 10:16, Aktualitet CNA

Në këtë ditë të Europës, politikanët shqiptarë duhet të tregojnë se nuk kanë frikë nga drejtësia dhe nga populli i tyre. Keshtu u shpreh Arian Galdini ne Asamblenë Themeluese të Degës së LDE për Tiranën. Europa është shpresë, përkatësi, kulturë, identitet, shtëpi për çdo shqiptar.- vijoi me tej Kryetari i LDE – Partia per Liri, Demokraci dhe Etike Arian Galdini. Por që ne ta meritojmë Europën, duhet domosdoshmërisht të dëshmojmë se ne nuk meritojmë të udhëhiqemi nga politikanë që kanë frikë nga Drejtësia dhe Populli. Shoqëria Politike dhe ajo Civile në Shqipëri, duhet ta detyrojnë këtë Parlament e këta deputetë që kemi, që ta votojnë sa më parë Reformën në Drejtësi. Ne qytetarët shqiptarë kemi Aleatë dhe Përfaqësues të interesit tonë, paradoksalisht jo Politikanët tanë që votojmë e paguajmë me taksat tona, por Përfaqësuesit e SHBA dhe BE. Ndaj edhe zëri ynë duhet të buçasë dhe protesta jonë duhet të shpërthejë për ta detyruar këtë klasë politike kolaboracioniste me ligësinë, që ta votojë Reformën në Drejtësi sa më parë dhe të shpallë njëkohësisht edhe thirrjen e zgjedhjeve të parakohëshme. Nje Qeveri që ka frikë nga Drejtësia dhe Populli, nuk duhet të qëndrojë për asnjë çast e arsye në detyrë sepse përbën rrezik publik. – shtoi në fjalën e tij përshendetëse Arian Galdini. – Prandaj duhet ta detyrojmë Qeverinë ti bindet Reformës në Drejtësi dhe të ulet në gjunjë para popullit duke shkuar drejt zgjedhjeve të parakohëshme. Por jo në zgjedhje me këtë Qeveri që ka frikë nga Drejtësia dhe Populli. Kurrësesi. Qeveria Rama është Qeveria e Ilir Beqajt që duhet të jetë në burg, është qeveria e kanabisit që ka pushtuar Shqipërinë, është qeveria e shullazëve, e konçensioneve, e kullave, e betonit, e plaçkitjes pa hesap, etj, etj, etj, e si e tillë nuk mund të jetë qeveri prozgjedhje të lira, të drejta, të barabarta e të ndershme. Ndaj ne si LDE i bëjmë thirrje publike Ben Blushit, Mimoza Hafizit e deputetëve të tjerë që e mbështesin lëvizjen e tyre, i bëjmë thirrje PDIU të Shpëtim Idrizit, i bëjmë thirrje LSI të Ilir Metës dhe Opozitës së drejtuar nga Lulzim Basha që të bëjnë një Shumicë Jopolitike në Kuvend për të krijuar një Qeveri Teknike e cila do të kujdeset për të siguruar e garantuar zhvillimin e zgjedhjeve të lira, të drejta, të barabarta e të ndershme. Qeveria Rama është rrezik publik, e duhet rrëzuar me kurajo e guxim politik, një orë e më parë. Blushi, Idrizi, Meta dhe Basha e kanë mundësinë dhe fuqinë e numrave për një Shumicë Jopolitike, me një qëllim të mbarë publik, sikterisjen e Qeverisë Rama. Një Shumicë Jopolitike, nuk krijon kushtet për asnjë Shumicë Politike e Marrëveshje të Padenjë apo kompromentuese mes këtyre faktorëve politikë. Një Shumicë Jopolitike krijon vetëm kushtet për një Qeveri Teknike që zhvillon e garanton zgjedhje të lira, të drejta, të barabarta e të ndershme.