web counter
LEXO PA REKLAMA!

SHKARKO APP

App Store
Google Play

Damian Gjiknuri dhe Ardian Çela, në gjykatë për marrëveshjen me CEZ

7 Maj 2016, 19:12, Aktualitet CNA

Damian Gjiknuri, ministër i Energjisë, Alma Hiçka, avokate e Përgjithshme e Shtetit, Ardian Çela, drejtor i OSSHE-së, Rebeka Gaskin, bashkëpronare në kompaninë DIA dhe çeku Josef Hajsek, ish drejtor i CEZ Shpërndarje u thirrën nga Gjykata e Tiranës në gjyqin ku është i pandehur, Kastriot Ismailaj. I akuzuar për mashtrim, falsifikim dhe pastrim parash kërkoi ballafaqim në gjykatë me të gjithë aktorët kryesorë të përplasjes së shtetit shqiptar me kompaninë DIA.

Avokati i Ismailajt tha se ministri Damian Gjiknuri do të pyetet në lidhje me bisedimet dhe më pas marrveshjen me kompaninë CEZ. Po për të njejtën sqarim, avokati tha se do të jap shpjegime edhe Alma Hicka, Avokatja e Përgjithshme e Shtetit pasi ka qenë pjesë e grupit të punës për marrveshjen me CEZ-in. Ndërkaq, kreu i OSSHE-së Ardian Çela, sipas avokatit, do të flas për faturat e pashlyera ndaj kompanisë së Kastriot Ismailajt dhe letër-këmbimin e mbajtur mes të dyve. Sa i përket shtetases amerikane, Rebeka Gaskinë e cila rezulton bashkëpronare në kompaninë DIA, ajo do të flasë për marrëveshjet ligjore dhe transaksionet të kryera mes saj dhe Ismailajt. Përveç këtyre dëshmitarëve, gjykata pranoi të thërrasë edhe ish-drejtorin e CEZ-it në Shqipëri Josef Hajsek. Ky i fundit është proceduar nga prokuroria për akuzën e ?mashtrimit? në bashkëpunim, duke favorizuar Ismailajn. Pikërishtë për këtë fakt, avokati tha se Hajsek duhet të paraqitet dhe të jap shpjegime para gjykatës për bashkëpunimin me Ismailajn. Të gjithë këta të dëshmitarë të thirrur nga mbrojtja dhe të pranuar nga gjykata, pritet të pyeten në procesin penal ndaj Kastriot Ismailajt, i cili akuzohet për ?mashtrimi? me pasoja të rënda, falsifikim të dokumenteve dhe akuzën e pastrimit të parave.

Procesi gjyqësor ndaj Ismailajt, ndodhet në fazën e pyetjes së dëshmitarëve të akuzës, 6 prej të cilëve janë ftuar të japin shpjegime për aktivitetin e Ismailajt, raporton ABC News. Mes dëshmitarëve të akuzës është edhe ish-kryeministri Vilson Ahmeti dhe vëllai i tij.





Lajmet e fundit nga