E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Shenim/Nga Saliu tek Salianjizimi i PD-së

1 Maj 2016, 07:20, Aktualitet CNA

Një debat shterpë, i filluar nga një personazh butaforik, që lehtësisht mund të identifikohet si një klloun në oborrin e opozitës.

Një shashkë banale por shërbeu të paktën për diçka që ka vlerë, identifikimin e një beteje të vërtetë filluar në bazën e PD-së nga një klan hijenash të rinj, që duan me çdo kusht pushtet të pamerituar në PD. Duan pushtet pa kontribute dhe pa u zgjedhur, kërkojnë uzurpim postesh por edhe përplasje dhe përcarje të cilat ju shërbejnë për të lehtësuar rrugën e karrierës. Me mendjen e tyre, urdhër apo shërbim ndaj Ramës, apo vegla të rëndomta të Bashës sot jemi përballë një fakti. Veprimet e tyre tregojnë se PD-ja po kalon në një proces që mund të quhet nga Saliu tek Salianjizimi i saj.

Nga një forcë politike qëndrestare, me simbolikë të djathtë antikomuniste, në një grup ku Salianjët hedhin shashka dhe emërohen kudo nga Basha edhe kur humbin.

Por ky proces nuk ka vetëm kaq, kërkesa për të larguar ish-ministrat, apo ata që quhen të vjetër, është pjesë e Salianjizimit të PD-së. Me mendjen e tij apo i urdhëruar nga një ish-ministër që sot është në krye të PD-së, këtë mund ta thotë Lulzim Basha i cili në fakt procesin e Salianjizimit e ndjek direkt dhe live nga Hollanda ku përfundon çdo fundjavë. Në Shqipëri është prezent me ndonjë kronikë të vonuar apo ruajtur nga zyra e tij e shtypit.

Të ikë elita, të ikin drejtusit, zgjedhjet diku i bëjmë diku si bëjmë, Këshilli Kombëtar nuk thirret kurrë, kryesia ofendohet hapur, në grupe punë futim të burgosur, në degë emërojmë sekretarë të akuzuar si hajdutë, kryetarë zgjedhim servile, ish drejtues të korruptuar. Fenomen që i ndodh PD-së çdo ditë. Kjo është opozita që duan shqiptarët? Në fakt ky është procesi i Salianjizimit të PD-së.

Po ti shtojmë edhe disa detaje si psh, ti heqim Jozefina Topallin, Majlinda Bregun, Astrit Patozin etj etj dhe ti lemë Salianjin, Ennon, Kadillin, ska ngel gje tjetër pa u bërë. Ngelet vetëm të heqin edhe Saliun si përgjegjësin kryesor për humbjen e vitit 2013 dhe dhe ta salianjizojmë zyrtarisht PD-në.

Ta marë e ta drejtoje Salianji dhe çdo sharlatan i pështirë oborri që lëpihet pas Bashës për të rrëmbyer dicka nga pushteti nesër. Nga këta që nuk flasin kurrë të vërtetën dhe fshehin gjendjen alarmante ku ndodhet opozita, nga këta që në vend të organizimit bëjnë çorganizim të organizuar, nga këta që nuk njohin kontribute, vlera e parime, por vetëm duan Salianjizimin e PD-së.

Ndoshta ka ardhur koha të ikin kontribuesit e vërtetë, të ikin ish-ministrat të ikë edhe Saliu, në PD të ngelet Salianji dhe çiftet e Lulzim Bashës që shërbejnë si gjahtarë për procesin e Salianjizimit të Partisë Demokratike. Proces banal që po nuk u ndal ve në dyshim ekzistencën e forcës më të madhe të opozitës në vend./citynews