web counter
LEXO PA REKLAMA!

SHKARKO APP

App Store
Google Play

E fundit!

x

Referendumi për kryetarin/ Krerët e PS në rrethe të përçarë

23 Mars 2016, 07:48, Aktualitet CNA

Referendumi për cështjen e kryetarit në PS ka përcarë krerët e kësaj force politike në rrethe. Socialistët në të gjithë vendin do ti përgjigjen pyetjes: ?Kur Partia Socialiste është në qeveri dhe kryetari saj është i zgjedhur kryeministër, a konsiderohet i rinovuar automatikisht mandati i kryetarit??.

Kreu i PS së Lushnjes, Bujar Çela,  e ka konsideruar zgjidhje mesatare mbajtjen e referendumit, ndërsa u shpreh se kryetari nuk mund të qëndrojë 25 vjet në krye të partisë, shkruan gazeta “Sot” Me pak fjalë, Çela thotë se, edhe kur kryetari ka fituar zgjedhjet si kryeministër, sërish duhet të hapë garë në parti për rikonfirmimin e mandatit të tij, pasi në rast të kundërt, nuk mund të pretendojmë për demokraci të brendshme.

?Për mendimin tim, referendumi i miratuar në Kongres, ishte një zgjidhje mesatare për t?ju thënë të dy palëve se keni të drejtë. Rama dhe Blushi janë të dy miq; njëri themeloi Rilindjen dhe tjetri është vazhdimësi e Partisë Socialiste. Kryetari nuk mund të qëndrojë 25 vjet në krye të partisë derisa të dalë në pension!?, u shpreh Bujar Çela.

Ndërsa kreu i PS së Tepelenës, Dino Selimi, është shprehur kundër mbajtjes së referendumit dhe rikonfirmon nenin 42 të statutit, i cili parashikon se kur kryetari është kryeministër automatikisht rikonfirmohet mandati i tij në krye të partisë që drejton.

?Nuk ka pse të bëhet referendum. Rama ka fituar dy palë zgjedhje dhe është një kryetar i suksesshëm. Nëse nuk do të ishte i suksesshëm, atëherë do të detyrohej që të jepte dorëheqjen?, u shpreh Selimi.

Ndërsa Pajtim Ismaili, kryetar i PS së Mallakastrës, u shpreh se nuk ka pse të pyeten delegatët për statutin, pasi ishte grupi i punës që u mor me ndryshimet në statut, i cili u miratua në Kongres.

Të tjerë janë shprehur pro referendumit, por nuk kanë dhënë përgjigje publikisht për nenin 42 të statutit të ri. Krerët e PS së Gramshit, Fierit, Tropojës, Kukësit, Përmetit e kanë konsideruar të drejtë vendimin e Kongresit, se referendumi është e vetmja rrugë për t?i dhënë përgjigje debatit për kryetarin e PS. Edi Rama ka kërkuar mobilizim në bazë, teksa deputetët e afërt dhe të besuar po udhëzohen që të takojnë socialistët në mënyrë që të marrin pjesë në referendum.





Lajmet e fundit nga