E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Denoncimi në Fiks Fare/ Kilometrat nuk kanë rëndësi, shteti rimburson njësoj

15 Mars 2016, 19:15, Aktualitet CNA

Të sëmurët të cilët vuajnë nga veshkat dhe kane nevojë për shërbimin e dializës, marrin nga shteti vetëm një pjesë të vlerës së transportit, kjo me urdhër të Ministrisë së Shëndetësisë. Sado e largët të jetë distanca nga shtëpia e pacientit deri në vendin ku kryhet ky shërbim, vlera që shteti rimburson është 1000 lekë të rinj. Kjo tarifë, nuk mbulon dot shpenzimet e rrugës, të cilat janë shumë herë më të larta se vlera e rimbursuar nga shteti. Gazetarët e emisionit “Fiks Fare” e ndoqën problemin pas ankesës së disa pacientëve të fshatrave të Beratit. Megjithëse ato vijnë nga Kuçova, Lumasi apo fshatra të largëta si Kutallija shteti u rimburson vetëm 1000 lekë në muaj për transportin. Me urdhër të Ministrit të Shëndetësisë vlera që këta të sëmurë marrin për transportin është fikse dhe nuk ndryshon pavarsisht distancës të vendbanimit të tyre nga qyteti i Beratit ( ku ofrohet ky shërbim) .

Të sëmurët që marrin shërbimin e dializës tregojnë se këtë rrugë e bëjnë 13 herë në muaj. Shëndeti i tyre ka nevojë për këtë shërbim 3 herë në javë, në të kundërt sëmundja e tyre përkeqësohet. Disa janë të detyruar të marrin taksi , pasi nuk ecin dot në këmbë dhe ky shërbim u kushton 1000 lekë vajtje ?ardhje në ditë , aq sa vlera që këta të sëmurë rimbursohen për të gjithë muajin.

Fiks Fare bashkë me një pacient bëri rrugën nga fshati Kutalli, ku ai jetonte deri në qytetin e Beratit, ku kryhet shërbimi i dializës. Besim Braçe, kryente prej 7 vitesh proçedurën e hemodializës. Ai çdo mëngjes duhet të niset nga shtëpia e tij që në orën 06.00 , për të arritur në Berat në orën 08.00. Furgoni kushton 300 lekë vatje-ardhje në ditë. Furgoni e lë pacientin në terminalin e mjeteve të transportit dhe prej këtu ai merr transportin qytetas për të shkuar tek qendra shëndetësore . Autobuzi kushton 30 lekë. Në total zotëria çdo ditë shpenzon 360 lekë vetëm për transportin. Kjo shumë e shumëzuar me 13 herë që i duhet Besimit të kryej dializën në muaj , arrin në 4600 lekë, ndërkohë nga shteti ai merr vetëm 1000 lekë. Por edhe për marrjen e rimbursimit që shteti u bën këtyre pacientëve ka probleme. Ata ende nuk kanë marr lekët e disa muajve. Gjithashtu shërbimi i dializës ka nevojë të shoqërohet dhe me medikamente të posatshme të cilat të sëmurët janë të detyruar të vijnë t?i marrin në Tiranë. Ata ankohen pse shteti nuk e ofron këtë shërbim edhe në qytetin e Beratit .Gjilpëra e anemisë , ështe ilaç i rimbursueshëm nga shteti, por gjendet vetëm në kryeqytet.

Në lidhje me këtë problematikë, Fiks Fare iu drejtua Spitalit Rajonal të Beratit ku shefja e Financës , Albina Dulo shpjegoi që kjo kategori, që kanë nevojë për shërbimin e dializës nuk kanë marrë ende paratë e muajit dhjetor , pasi nuk është lëvruar ende fondi.