E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Zbardhen fluturimet e ministrave me charter

29 Shkurt 2016, 11:53, Aktualitet CNA

Ministrat e qeverisë janë përfshirë në një skandal me fluturimet me charter. Shumë anëtarë të qeverisë rezultojnë të kenë udhëtuar me fluturime luksoze. Gazeta ?Sot? shkruan se disponon dokumentet për hyrje-daljet të ministrave të qeverisë, gjatë dy viteve të fundit.

Sipas të dhënave të sistemit TIMS, , ministrat që kanë fluturuar me charter janë ministri i Financave, Arben Ahmetaj, ministri i Brendshëm, Saimir Tahiri, ministri i Shëndetësisë, Ilir Beqaj, ministri i Energjetikës, Damian Gjiknuri etj.

Përpos ministrave, me charter kanë udhëtuar edhe deputetë të Partisë Socialiste. Taulant Balla, rezulton të ketë fluturuar 15 herë me charter që nga viti 2004. Vetëm gjatë vitit 2004, pak para se Nano të rrëzohej nga pushteti, deputeti Balla ka udhëtuar gjashtë herë me charter.

Tahiri dhe Beqaj

Ministri i Brendshëm, Saimir Tahiri, rezulton se ka udhëtuar pesë herë me charter, tre herë gjatë detyrës si ministër dhe dy herë gjatë vitit 2009. Ministri i Brendshëm është larguar nga Rinasi me charter në datën 12.04.2015, ora 11:02, me numër pasaporte DR0530226-Al. Po ashtu, ministri është kthyer me charter në Shqipëri në datat 14.04.2015, ora 14:20 dhe datë 10.06.2014, ora 20:11. Ndërkaq, ministri i Shëndetësisë, Ilir Beqaj, ka udhëtuar dy herë me charter dhe dhjetëra herë me linja të zakonshme.

Gjiknuri, nga furgoni në charter

Sipas të dhënave të sistemit TIMS, ministri i Energjetikës, Damian Gjiknuri, gjatë dy viteve të fundit, ka udhëtuar 4 herë me charter dhe dhjetëra herë me linja të tjera. Në datën 20.12.2015, ora 15:46, me numër pasaporte DC8725979-AL, Gjiknuri është larguar nga Rinasi me charter, ndërsa është kthyer po me charter në Rinas në 22.12.2015, ora 22:03. Po ashtu, ministri ka udhëtuar edhe tre herë të tjera me charter. Ndërkaq, Damian Gjiknuri, në vitin 2007, rezulton se ka kaluar kufirin me furgon, ndërsa disa vite më pas, nga furgoni ministri hipën në charter. Konkretisht në datën 27.03.2007, 14:15, Gjiknuri ka kaluar në pikën kufitare Qafë-Thanë me furgon.