E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

Gazeta "Tema" sulmon drejtuesit e protestës kundër rritjes së taksave

27 Shkurt 2016, 11:55, Aktualitet CNA

Gazeta Tema ka sulmuar drejtuesit e protestës së sotme, Besjan Pesha dhe Panajot Soko. Prej disa kohësh, Pesha dhe Soko, të ndjekur nga një numër i madh biznesesh kanë kundërshtuar fort rritjen e taksave nga Bashkia e Tiranës. Në një shkrim të sotëm, ?Tema ? shkruan se dy drejtuesit, i kanë shërbyer më parë qeverisë të kaluar dhe janë akuzuar për korrupsion dhe dëm ekonomik. Për këto akuza ato janë kallëzuar në Prokurori nga ILKPDI për fshehje të pasurisë. Në fakt, Besjan Pesha, për të cilin flet ?Tema? se ka punuar gjatë qeverisë ?Berisha?, ka qenë një nga përfaqësuesit e LSI-së.

Më poshtë është shkrimi i plotë i gazetës “Tema”

Besjan Pesha dhe Panajot Soko, dy njerëzit që udhëheqin sot protestën e biznesit të vogël kundër taksës për zënien e hapësirës publike, nuk janë të panjohur për publikun.

Për disa vite ata kanë shërbyer në qeverinë e Sali Berishës, nga viti 2009 deri në vitin 2013, kohë kur janë shkarkuar nga detyra si të akuzuar për korrupsion, dëm ekonomik, dhe janë kallëzuar në Prokurori nga ILDKP-ja për fshehje të pasurisë.

Besjan Pesha është i njohur për drejtimin e Agjencisë Kombëtare të Burimeve Natyrore nga viti 2011 deri në nëntor të 2012, kohë në të cilën u shkarkua për korrupsion dhe krim ekonomik, vecanërisht lidhur me minierat e kromit në veri dhe naftën në jug të vendit.

Pesha është akuzuar me prova se ka hyrë në raporte aferash korruptive me disa përfaqësues të rëndësishëm të biznesit të galerive të kromit në veri, duke kërkuar prej tyre shuma parash kundrejt mosveprimeve, shuma të cilat janë paguar në forma gjobash përgjatë muajve të Peshës në këtë post.

Shkarkimi i tij erdhi pas një denoncimi privat që ka bërë një prej biznesmenëve të galerive të kromit në very në vitin 2012. Sipas denoncimit të atëhershëm, shifrat e gjobëvënies varionin nga 50 deri në 70 mijë euro, ndërkaq asokoheu përfol se Pesha ishte i përfshirë edhe në një biznes të përbashkët për çimentimin e disa puseve të naftës, në kontrata që kapin shuma deri në 5 milionë euro.

Ndërsa drejtuesi tjetër i protestave të sotme të biznesit, Panajot Soko, nga viti 2009 deri në vitin 2011 ka punuar si përgjegjës i sektorit të buxhetit në Ministrinë e Financave të drejtuar nga Ridvan Bode, e më pas në korrik 2011, së bashku me Besjan Peshën, i cili në të njëjtën kohë u emërua drejtor i AKBN-së, Soko si njeriu i ngushtë i tij mori postin e drejtorit të Financave të agjencisë së burimeve natyrore.

Soko shkarkohet nga detyra korrik 2013, me ardhjen e qeverisë së re, por ai nuk do t?i shpëtonte akuzës së Inspektoratit të Lartë të Deklarimit të Pasurive, i cili një vit më pas do ta kallëzonte penalisht në Prokurori për fshehje të pasurisë, bashkë me një sërë zyrtarësh të tjerë të qeverisë Berisha.

Sot Soko është një nga aksionerët e kompanisë Transoil Group sh.a, e specializuar në menaxhimin e naftës dhe hidrokarbureve, e cila aktualisht operon në fushën e Visokës që nga shkurti 2012.