E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Basha: Shqiptarët mezi presin të shporrin Ramën!

26 Shkurt 2016, 18:03, Aktualitet CNA

Kryetari i Partisë Demokratike shprehet se shqiptarët mezi presin që nëpërmjet votës të shporrin Kryeministrin Edi Rama nga pushteti. Përmes një deklarate për mediat, Basha reagoi pas deklaratës së shefit të qeverisë Rama, i cili tha se sipas sondazheve 4% e të anketuarve duan të anëtarësohen në PD, dhe 11% në PS. Kreu i PD-së shton me ironi se sondazhet në salla të mbyllura me punonjës të administratës i paskan dalë mirë Ramës!

Deklarata e plotë e Kreut të PD-së Lulzim Basha

Sondazhet në salla të mbyllura me punonjës të administratës i paskan dalë mirë Ramës.
Vetëm se jashtë këtyre sallave, në Shqipërinë e vërtetë, në realitetin e përditshëm të njerëzve puna është pak ndryshe.
Nuk ka sot një shqiptar te vetëm, jashtë sallës me regji, që nuk është mashtruar nga Edi Rama, që nuk e ka pësuar pas shpine prej tij.
I mashtruar dhe i goditur ai që paguan energjinë elektrike 20 përqind më shtrenjte, ai që nuk gjen një shërbim në spital, ai që duhet të japë mijëra euro nën dorë për legalizimin, i mashtruar ai që nuk merr më asnjë lek për bujqësinë, ai që lë në dyqan më shumë se më parë për të njëjtin mall, ai që mbush makinën me naftën më të shtrenjë në rajon, ai që kërkonte rend por sheh se bandat bejne ligjin, ai që priste rritje të ndihmës ekonomike dhe e pa emrin jashtë liste, ai që shpresonte për mirë po iku natën për një jetë tjetër në Europë, ai që kërkonte investime por investimet janë zero se paratë vidhen në dogan a e tatime, çka mbetet e ndan Edi Rama me miqtë e tij, i mashtruar cdo biznes i vogël e profesion i lirë me taksa të dhjetëfishuara.
Shqipëria është sot vendi më i varfër në Europë që sundohet nga qeveria më e pasur. Me një kryeministër që erdhi në pushtet me banda e kriminelë, e mbështetet dhe sot tek ata.
Po nëse sondazhet i dalin mirë, pse i duhet Armando Prenga me pistoletë pa leje që pasi la të plagosur burrat e një fisi brenda në komisariat vjen me vrap të votojë hajdutin ahmetaj dhe milvën e vilmës, pse i duhen trafikantët, pse i duhet bushi, roshi, ndoka.
Nëse sondazhet i dalin mirë pse nuk e lë të gërhasë administatorin e gjysëm toni drogë por e do të lire, në aksion. Po cubi pse i duhet. Pse i duhet Kokëdhima. Pse i duhen habilajt. Pse i duhet hakmarrja për drejtësi.
Nëse sondazhet i dalin mirë, pse Shullazi kalon në doganë pa u regjistruar, dhe ka në dispozicion forcat speciale të policisë.
Nëse sondazhet i dalin mirë, pse nuk bën zgjedhje të lira e të ndershme. Por fut dorën në çdo kuti, kërcënon votuesit, dhunime që sjanë parë prej vitesh, sic e tregoi raporti i fundit i OSBE-ODIHR-it.
E kundërta është e vërtetë. Çdo sondazh e nxjerr atë në rënie, në pikiatë pa kthim. Dhe shqiptarët mezi po presin ditën e ballafaqimit për tia treguar këtë të vërtetë me votë.