Denoncimi i citynews/ Reagon Jorida Tabaku

18 Shkurt 2016, 09:46, Aktualitet CNA

Citynews denoncoi dje fshehjen që bëri kryebashkiaku i Tiranës, Erion Veliaj, për ndërtimin e një lokali brenda hapësirës së Parkut të Liqenit Artificial. Gjatë deklaratave për mediat, Veliaj shprehej se vetëm për ndërtimin e këndit të lojërave për fëmijët, por citynews zbuloi dje se plani i hartuar nga bashkia parashikon ndërtimin e një lokali i cili eshte emertuar GRAND KAFE. Së bashku me këndin e lojërave do ti kushtojë taksapaguesve rreth 700 milionë lekë,

Ndertimi i lokalit ne asnje rast nuk u fol nga Bashkia e Tiranes, por gjithcka e zbuloi citynews pasi siguroi dokumentacionin e plote dhe ndertimi i tij shpjegohej tek relacioni teknik i Bashkise per te cilin Erion Veliaj kishte rezervuar “fshehjen”.

Denoncimet e citynews:

Link 1:Mashtrimi i kryebashkiakut Veliaj/ Ja lokali që do të ndërtohet te Liqeni

Link 2: 700 milionë për lokalin dhe këndin e lojërave tek liqeni/ Ja dokumenti

Sot, deputetja e Partisë Demokratike, Jorida Tabaku ka reaguar në lidhje me denoncimin e citynews për fshehjen e ndërtimit të lokalit. Nëpërmjet një deklarate për shtyp, Tabaku u shpreh:

Erion Veliaj, jo vetëm është duke bërë një ndërtim të paligjshëm brenda Parkut të Liqenit, duke prekur një zonë të mbrojtur, duke prerë pemë, duke shkelur aty ku askush nuk guxoi për 25 vite, por ai po fsheh qëllimin e tij kryesor, klientelist e korruptiv.

Eshtë kafja dhe restoranti që do ia japë mikut të tij, arsyeja kryesore pse Erion Veliaj po ndërhyn në Parkun e Liqenit.

Kryetari i Bashkisë përpiqet ta fshehë këtë, me pro?pagandë bajate sikur ai dhe vetëm ai mendon për fëmijët e qytetit.

E vërteta është se ai po mendon për klientelën dhe përfitimet e tij.

Siç e shihni në relacionin e pasqyruar dhe në ekran, Veliaj ka parashikuar ndërtimin e objekteve të shërbimit që janë kafe, restorant, kioske për gazetat.

E gjithë skema e tij ka qënë jo transparente.

Po në veçanti këtë kioske-kafe-restorant Veliaj është munduar t?ia fshehë publikut.

Kjo aferë ka dhe kosto financiare përveç të tjerash, me faturë 500 mijë euro nga taksat e banorëve të Tiranës.

Qytetarët e Tiranës dhe Partia Demokratike janë të vendosur të mos e lejojnë këtë paligjshmëri dhe sipërmarrje klienteliste të Erion Veliajt.

Parku i Liqenit nuk është oborri privat i kryetarit të Bashkisë.

Eshtë pasuri e qytetarëve dhe e tillë do të mbetet.