web counter
LEXO PA REKLAMA!

SHKARKO APP

App Store
Google Play

Kriset aleanca e majtë/ Rama sulmon LSI-në

14 Shkurt 2016, 07:26, Aktualitet CNA

Një krisje mes mazhorancës duket se ka filluar ditët e fundit, me deklarata të ndërsjella si dhe me direktiva drejtuar bazës ku shfaqet një kundërshti e hapur mes PS-së dhe LSI-së. E përditshmja “Sot” shkruan se Kryeministri Edi Rama i ka dhënë bazës socialiste direktivat e para se si do të luftohet Lëvizja Socialiste për Integrim gjatë zgjedhjeve të ardhshme parlamentare.

Shefi i Partisë Socialiste, mbrëmjen e së premtes, ka zhvilluar një takim me socialistët e Spitallës, në Durrës. Mësohet se takimi u zhvillua në një prej lokaleve që ndodhen pranë shkollës ?Naim Babameto? në lagjen nr. 15, ku u bënë gjithashtu dhe anëtarësime të reja në PS. Burime nga takimi thanë se Edi Rama u ka kërkuar socialistëve të mos lëshojnë terren ndaj Lëvizjes Socialiste për Integrim, sidomos në bastionet historike të PS. Duke e konsideruar luftën me LSI si prioritare dhe jetike për pozitat e PS, Rama u ka kërkuar drejtuesve lokalë të PS që të mos lëshojnë pe në raport me LSI, për të maksimalizuar votat e PS në zgjedhjet e ardhshme parlamentare.

Direktiva janë dhënë për të qenë të prerë edhe sa i takon vendimeve të punës, pasi LSI ka rritur fuqinë e saj edhe duke shfrytëzuar maksimalisht vendet e punës që i takojnë. Lëvizja e Ramës ka ardhur pas informacioneve se LSI ka fituar terren të padiskutueshëm në zonat me bastione të Partisë Socialiste. Në zgjedhjet e fundit lokale, PS, në shumë bastione të saj doli forcë e dytë, ndërsa në shumë zona të tjera, forcë e tretë. Po ashtu, udhëzimi i Ramës vjen pas paralajmërimit të Ilir Metës, për një ndërhyre të Kuvendit, i cili do të disiplinojë koncesionet e qeverisë. Ma fjalë të tjera, koncesionet do të marrin miratimin e Kuvendit.





Lajmet e fundit nga