Foto/ Fundjava në kryeqytet, policia pezullon 25 leje drejtimi dhe gjobit 13 lokale

6 Shkurt 2016, 12:04, Kronika CNA

Policia e Tiranës vijon të kryejë një plan masash të veçanta të sigurisë gjatë fundjavës. Vetëm në mbrëmjen e djeshme, policia bllokuar 25 leje drejtimi per shpejtësi tej normave të lejuara në qendra të banuara, për alkool, për semafor e kontroll teknik. Burime nga policia thanë që 21 raste janë ndëshkuar për komision, si dhe janë bllokuar 2 automjete për mungesë dokumentash.

Kontrolle të shumta janë zhvilluar nga Shqiponjat e Patrullat e Përgjithshme. Gjatë kontrollit është arrestuar në flagrancë shtetasi Lulëzim Rrushi , pasi ai duke drejtuar pa leje drejtimi automjetin tip Porsch, nuk i ka ndaluar pikës së kontrollit duke u largua me shpejtësi shumë të madhe duke rrezikuar edhe jeten e punonjësve te policise ne pikën e kontrollit. Pas 45 minutash ndjekie nga Shqiponjat, Qarkullimi Rrugor e Patrullat e Pergjithshme u be kapja dhe arrestimi i tij, si dhe bllokimi i automjetit. Gjithashtu Shqiponjat e Patrullat e Pergjithshme në orët e para të mëngjesit kanë parandaluar përshkallëzimin e nje konflikti të çastit mes disa të rinjve në një lokal në zonën e ish-Bllokut.

Po gjatë kontrolleve janë shoqëruar për verifikim 18 persona. Krimi Ekonomik e Financiar në Drejtorinë Vendore të Policisë Tiranë në bashkëpunim me Drejtorinë Tatimore dhe Inspekoriatin e Punës gjatë orëve të vona të natës kreu një sërë kontrollesh në lokalet e natës në kryeqytet, “Për rritje e efikasitetit të punës me qëllim parandalimin dhe ndëshkimin e paligjshmrisë dhe informalitetit”.

Janë kontrolluar rreth 20 lokale nate dhe janë gjobitur 13 prej tyre për shkelje si: – Punonjës të pa rregjistruar të punësuar në lokale. -Mos dhënie të kuponit tatimor klientëve. Njëkohësisht nga Krimi Ekonomik i Drejtorisë së Policisë Vendore Tiranë u arrestua shtetasi Niko Haruni dhe u procedua penalisht shtetasi A.M, pasi në magazinën e firmës së shtetasit Niko Haruni u gjetën pa fatura tatimore 2367 pale sandale dhe 7600 pale atlete kontrabanë. Edhe gjatë mbrëmjes së sotme do vijojn? kontrollet me të njëjtin intensitet për rritjen e parametrave të sigurisë.