E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

Eskpertët e PD braktisin tryezën e reformës në drejtësi

10 Janar 2016, 16:30, Aktualitet CNA

Ekspertët e Partisë Demokratike kanë braktisur tryezën e reformës në drejtësi. Në një deklaratë të shpërndarë nga zyra e shtypit pranë PD-së theksohet se në tryezë nuk ka asnjë reflektim nga ana e përfaqësuesve të mazhorancës në lidhje me rekomandimet e dhëna nga Komisioni i Venecias. Sipas tyre ky ka qenë dhe shkaku që është braktisur tryeza e bisedimeve ku nuk është gjetur hapësira e duhur për bisedime të mëtejshmë nga palët.

Deklaratë e ekspertëve të Partisë Demokratike për Reformën në Drejtësi

Sipas axhendës së rënë dakord dje, sot grupi i ekspertëve për Reformën në Drejtësi u mblodh në Kryesinë e Kuvendit për të draftuar rekomandimet e Komisionit të Venecias mbi amendamentet kushtetuese.

Pika e parë e diskutimit ishte reflektimi i rekomandimit të Komisionit të Venecias mbi nevojën e eleminimit të kapjes politike të sistemit të drejtesisë, sipas një propozimi konkret kompromisi të ofruar në përputhje me të nga ekspertët e Partisë Demokratike. Edhe pse dje në mbrëmje u ra dakord parimisht për të reflektuar rekomandimin nr. 55 të Komisionit të Venecias dhe që propozimi i ekspertëve të Partisë Demokratike do të shqyrtohej me kujdes, sot që në fillim të mbledhjes, pa asnjë argument, ekspertët e caktuar nga mazhoranca refuzuan ta analizonin këtë propozim, duke treguar vendosmërinë e tyre për të mos marrë në vlerësim asnjë alternativë që siguron moskapjen politike të sistemit të drejtesisë, pavaresisht qendrimit të prerë të mbajtur nga Komisioni i Venecias mbi këtë çështje.

Duke parë vendosmërinë e ekspertëve të mazhorancës për të mosreflektuar rekomandimet e Komisionit të Venecias, si dhe mos vlerësimin e mundësive për zgjidhje të mundshme kompromisi dhe të përbashkëta, ekspertët e Partisë Demokratike u ndodhen në pamundësi për të vijuar diskutimet në një mbledhje të përbashkët, që nuk ofron asnjë mundësi për zgjidhje të përbashkëta.