web counter
LEXO PA REKLAMA!

SHKARKO APP

App Store
Google Play

E fundit!

x

Studim/ Komuniteti rom dhe egjiptian, ende shumë pengesa në përfshirjen sociale

10 Nëntor 2015, 13:42, Sociale CNA

Anëtarë të minoritetit rom dhe komunitetit egjiptian, organizata të shoqërisë civile dhe partnerë ndërkombëtarë u mblodhën sot në Tiranë, në një aktivitet rajonal për të prezantuar gjetjet e tre dokumenteve analitikë, mbi përfshirjen sociale të komunitetit rom.

Në takimin e organizuar në Hotel Tirana, ishin të pranishëm zv/ministrja e Mirëqenies Sociale dhe Rinisë, Bardhylka Kospiri, përfaqësuesja e Ambasadës zviceriale në Shqipëri, Silvana Mjeda, Drejtoresha e PNUD Yesim Oruc etj.  Studimi tregon se romët dhe egjiptianët hasin pengesa të shumta si varfëria, niveli arsimor, shëndetësia, punësimi dhe pengesa institucionale që ndikojnë në përjashtimin social.

Ky studim bazohet në 34 intervista të hollësishme të kryera me anëtarë të komunitetit rom dhe egjiptian duke zbuluar pengesat e përfshirjes sociale.

?Nxitja e përfshirjes sociale të romëve dhe egjiptianëve në Shqipëri, kërkon një zhvendosje të ndjeshme nga qasja e fajësimit të viktimës drejt një qasjeje që merr në konsideratë pasojat psikologjike të sjelljes që vijnë nga varfëria dhe diskriminimi i transmetuar brez pas brezi?, thuhet në studim.

Nga ana e saj, zv/ministrja Kospiri në fjalën e saj tha se ?vitet e fundit janë krijuar më shumë kushte për t?i sigururar të drejta të barabarta komunitetitit rom. Megjithëse, jemi të vetëdijshëm që ka vështirësi në përfshirjen e këtij komuniteti, një vëmendje të veçantë MMRS i ka kushtuar përmirësimit të kushteve në përfshirjen e komunitetit rom dhe egjiptian në jetën e përditëshme. Ne kemi nxitur promovimin e të drejtave të tyre, ku askush nuk mund të gjykohet për shkak të ngjyrës së lëkurës, prejardhjes apo bindjes politike?.

Drejtoresha e PNUD-it, Yesim Oruc tha gjatë fjalës së mbajtur në konferencë se ?jemi të lumtur që nëpërmjet punës tonë, ne jemi duke parë nevojat dhe kërkesat e komunitetit rom dhe egjiptian për t?i përfshirë në jetën sociale, me mundësi të barabarta për të gjithë. Jemi në një proces kombëtar në Shqipëri dhe në rajon, ku jemi duke ushtruar praktikat më të mira zbatuar dhe aplikuar në praktikë, gjithëpërfshirjen e këtij komuniteti?.

Ndërsa për përfaqësuesen e Ambasadës zviceriane, Silvana Mjeda, e rëndësishme është të flitet për zhvillim të qëndrueshëm. ?Ne do të flasim për zhvillim të qëndrueshëm rajonal. Ne flasim për romë të varfër, që kanë akses të kufizuar në mundësitë që u ofrohen të gjithëve. Parimi i gjithëpërfshirjes është një parim themelor për punën tonë në të gjithë rajonin?, u shpreh Mjeda. Tre dokumentet analitike janë, Dokumenti për Politikat dhe të dhënat rajonale për romët me autor Pavle Golicin, dokumenti i mësimeve të nxjerra në rajon nga programi i përfshirjes së romëve, me autor Dotcho Mihailov dhe profili i përjashtimit social të romëve dhe egjiptianëve në Shqipëri me autore Marsela Dauti





Lajmet e fundit nga