E fundit!

19:55 Aktualitet

“Protestat e kanë goditur qeverinë”/ Kikia: Ministrat dhe deputetët nuk ecin të lirë në rrugë

Gazetari dhe analisti Mentor Kikia ka folur ditën e sotme ...

Disa gjëra që nuk i dini për Francesco Becchettin dhe telashet që s’kanë fund për të

4 Nëntor 2015, 15:14, Aktualitet CNA

Biznesmeni italian, Francesco Becchetti u bë një personazh i njohur në Shqipëri me hapjen e televizionit ?Agon Channel?, por ai ka qenë i pranishëm në Shqipëri prej shumë vitesh.

Emri i tij në Shqipëri lidhet me ndërtimin hidrocentralit të Kalivaçit, për të cilin mori leje nga qeveria ?Nano? në vitin 1997 dhe me importin e plehrave.

Me anë të hidrocentralit që nuk u ndërtua kurrë, 49-vjeçari arriti të përfitonte me anë të manovrave dhe mashtrimit miliona euro nga investitorë të ndryshëm.

Becchetti së fundmi bleu dhe ekipin e Leyton Orient në ligën e tretë në Britani për 7 milionë paund.

49-vjeçari zotëron Becchetti Energy Group (BEG), me të cilën në vitin 1997 fitoi të drejtën nga qeveria e Fatos Nanos në vitin 1997 për ndërtimin e hidrocentralit të Kalivaçcit.

Becchetti vjen nga një familje që është marrë me përpunimin e mbetjeve. Daja i tij, Manlio Cerroni që njihet ndryshe si ?Mbreti i Plehrave?, është pronar i landfillit famëkeq Malagrotta. Cerroni është arrestua dhe për trafikim të mbetjeve.

Gjithashtu, Beccheti ka investuar dhe në sektorin e energjisë së erës në Ballkan.

Mediat në Britani pas blerjes së ekipti të Leyton Orient e kanë krahasur atë me personazhin e Tony Soprano në filmin serial ?The Sopranos?.

Pronari i tokës, kërkon largimin e Agonset: Nuk ka paguar qeranë

Nuk kanë të sosur problemet për biznesmenin italian Francesco Bechettit.Tashmë ky i fundit po përballet me presionin e vazhdueshëm që po i bën pronari i tokës, ku ka ndërtuar objektet e televizionit ?Agonset? dhe ambjentet e shoqërisë ?Energjia?.

Mësohet se prej 5 muajsh pronari Leonard Mezuraj nuk ka marrë pagesën e qërasë dhe për pasojë i është drejtuar gjykatës duke kërkuar 5 muaj të prapambetura përfshirë këtu dhe kamatvonesën prej 2 për qind.

Njëherësh Mezuraj kërkon dhe largimin e këtyre dy kompanive nga prona e tij, raporton Report TV.

Padia civile është depozituar në gjykatë në datën 1 tetor dhe ka si objekt:??Zgjidhjen e kontratës së qirasë nr.3446 rep, nr.1190 kol datë 17.09.2012 të noteres Ardjana Hoxha për faj të palës së paditur, dhe lirimin e menjëhershëm të ambjentit nga kjo e fundit. Detyrimin e palës së paditur që ti paguajë palës paditëse qëratë e prapambetura duke filluar nga muaji qershor i vitit 2015 deri në lirimin e ambjentit.

Aplikimin e penalitetit 2 % të qërasë mujore, për çdo ditë vonesë, duke filluar për llogaritja e detyrimit nga data 15 e muajit qershor,data në të cilën sipas kontratës pala e paditur ka detyrimin për të shlyer qëranë. Marrjen e masës së sigurimit të padisë, duke urdhëruar bllokimin e llogarive bankare të palës së paditur, si dhe vendosjen e sekuestros konservative mbi pasuritë e luajtshme të kësaj të fundit deri në përfundimin e këtij gjykimi.