web counter
LEXO PA REKLAMA!

SHKARKO APP

App Store
Google Play

E fundit!

x

Tentuan të kalojnë me skaf drejt Italisë 780 kg lëndë narkotike/ Prokuroria dorëzon dosjen në gjykatë

3 Nëntor 2015, 13:35, Kronika CNA

Prokuroria për Krime të Rënda dërgon për gjykim kërkesën për 7 persona, të akuzuar se kanë tentuar të trafikojnë me skaf drejt Italisë një sasi prej rreth 780 kg lëndë narkotike canabis sattiva, me pikënisje lagunën e Vilunit, në bregun e Velipojës.

Të akuzuarit, të cilët janë hetuar në masë sigurie ?arrest në burg?, në bashkëpunim me disa persona të tjerë, për të cilët hetimi po vijon, rezulton se kanë siguruar, transportuar dhe marrë masat për imbarkimin e lëndës narkotike në një mjet lundrues skaf dhe kanë tentuar ta trafikonin drejt brigjeve të Italisë, në mbrëmjen e datës 30.09.2014.

Hetimet nxorën se më datën 30/09/2014 rreth orës 21:00, në vendin e quajtur ?Rana e Hedhun? midis Lagunës së Vilunit (Velipojë) dhe Shëngjinit, shërbimet e policisë kufitare dhe ato të Guarda di Finanza, panë të hidheshin nga një mjet lundrues në det çanta të zeza në përmasa të mëdha. Pasi u nxorën nga deti rezultuan 7 të tilla. Ato kishin brenda paketime me mbështjellje natribani, gjithsej 80 (tetëdhjetë) të tilla, të cilat kishin material bimor me karakteristika të ngjashme me bimën cannabis sativa. Pesha e tyre doli 210 kg. Duke i hequr peshën e çantave, pesha e materialit bimor doli 201.5 kg.

Të nesërmen, me datë 01/10/2014 rreth orës 12:00 në vendin e quajtur Grykëderdhja e Bunës në Velipojë, në një distancë rreth 4 milje detare nga bregu i detit, forcat e policisë kufitare gjetën të hedhura në det edhe 15 çanta të tjera në ngjyrë të zezë. Edhe në këto çanta u gjetën pako me mbështjellje natribani, gjithsej 97 të tilla, të cilat kishin material bimor me karakteristika të ngjashme me bimën cannabis sativa. 97 pakot kishin peshën 594 kg. Pas zbritjes së peshës së 15 çantave, pesha e materialit bimor rezultoi 579 kg. Në total u gjet gjithsej 780 kg lëndë narkotike cannabis sativa.

Ndërkohë që hetimet vijojnë për persona të tjerë, Prokuroria për Krime të Rënda dërgon për gjykim shtetasit, Mikel Hoxha (Ermal Mehmeti), Indrit Rraja, Ervis Sulo, Leonidha Dhimojani (Robert Abazi), Mirjan Vitaj, Alfred Syli, Kristian Çokajk. Të gjithë të akuzuar për veprën penale të ?Trafikimit të Narkotikëve?, në bashkëpunim, mbetur në tentativë?.





Lajmet e fundit nga