web counter
LEXO PA REKLAMA!

SHKARKO APP

App Store
Google Play

E fundit!

x

Mirditë/ Operacioni i antidrogës vë në pranga 4 persona

3 Nëntor 2015, 11:15, Kronika CNA

Policia e Lezhës ka ndërmarrë një operacion antidrogë në zonën e Mirditës, duke arrestuar 4 persona e shpallur në kërkim 2 të tjerë.

Sipas burimeve policore, efektivët e Komisariatit të Policisë Mirditë në bashkëpunim me Specialistët e Seksionit Kundër Narkotikëve në Drejtorinë Vendore të Policisë Lezhë në bazë të informacioneve të siguruara në rrugë operative,  pas një pune disa javore kanë realizuar dhe finalizuar me sukses operacionin policor të Koduar ?Rrënja e  Zezë?.

Si rezultat i këtij operacioni u bë i mundur arrestimi i 4 shtetasve;  Pjetër Nikolli , 53 vjeç; Ndok Nikolli, 50 vjeç dhe Viktor Nikolli, 42 vjeç, të tre banues në fshatin Rrënja e Zezë, Mirditë, si dhe shtetasit Radoin Jaku, 20 vjeç, banues në Ishull ? Lezhë. Gjithashtu u shpallën në kërkim shtetasit ( vëllezër), Astrit dhe Ilir Nikolli banues në  fshatin Rrënja e Zezë,  Mirditë.

Arrestimi dhe shpallja në kërkim e këtyre shtetasve u bë pasi në bashkëpunim me njëri- tjetrin po përgatiteshin për shitjen e një sasie narkotike dhe nga kontrollet e ushtruara në automjetet dhe banesat e tyre janë gjetur dhe sekuestruar në cilësinë e provës materiale 1kg  bimë narkotike e dyshuar kanabis sativa, 2 armë zjarri automatik model 56, 2 krehëra fishekësh, 1 armë e ftohtë bajonetë, 5 radio transmetuese, 2 dylbi etj.

Materialet procedurale  i kaluan Prokurorisë së Rrethit Gjyqësor Lezhë për veprat penale ?Prodhimi dhe shitja e narkotikëve?,  ?Prodhim dhe mbajtja pa leje e armëve dhe municioneve luftarake ?, ? Prodhim dhe mbajtja pa leje e armëve të ftohta?.





Lajmet e fundit nga