E fundit!

20:23 Aktualitet

Protestuesit para Kryeministrisë: Nuk dorëzohemi deri në largimin e Ramës

Vijon prej një ore protesta e 52-të kundër qeverisë dhe fj...

Skandali me rimbursimet e ilaçeve/ Dy nga të arrestuarit rrëfejnë skemën disavjeçare të mashtrimit

3 Nëntor 2015, 07:49, Aktualitet CNA

Dy nga trembëdhjetë të arrestuarit për skandalin e rimbursimit të ilaçeve me receta të falsifikuara, kanë pranuar të bashkëpunojnë me organin e akuzës duke rrëfyer me çdo detaj rrëmbimin e miliona lekëve me skemën e mashtrimit. Burime nga prokuroria kanë bërë me dije se për këta dy të arrestuar që kanë pranuar të bashkëpunojnë dhe të tregojnë skemën e mashtrimit, seancën e sotme në gjykatë do të kërkohet lirimi i tyre nga qelia dhe lënia në një masë më të butë sigurimi.

Burimet thonë se një nga personat që do të përfitojë liri me kërkesë të prokurorisë është një nga punonjësit e Fondit të Sigurimit të Detyrueshëm të Kujdesit Shëndetësor që ka treguar të gjitha mashtrimet, si dhe një nga punonjësit e depos së kompanisë farmaceutike ?Omega Pharma?. Mësohet se dy bashkëpunëtorët, kanë treguar me detaje të gjithë skemën e mashtrimit që funksiononte prej vitesh me ilaçet e rimbursueshme, duke treguar edhe emrat e personave që kryenin këto procedura. Ndërkohë për 11 të arrestuarit e tjerë, mësohet se prokuroria do të kërkojë nga Gjykata e Tiranës izolimin e tyre në qeli nën masën e sigurisë ?Arrest me burg?. Në mesin e personave për të cilët do të kërkohet arresti me burg është edhe administratori i depos farmaceutike ?Omega Pharma?, shtetasi Nadir Çausholli. Po ashtu prokuroria mësohet se ka vendosur dhe ngrirjen e të gjitha aseteve të farmacive të përfshira në këtë rimbursim fiktiv dhe po ashtu ka sekuestruar të gjitha dosjet e kontratave të këtyre farmacive me fondit.

Hetimet

Hetuesit në Prokurorinë e Tiranës bëjnë me dije se të gjithë të dyshuarit, në bashkëpunim me njëri-tjetrin, në kohë dhe role të ndryshme, me anë të mashtrimit dhe falsifikimit të recetave, kanë përfituar miliona lekë nga fondi i ilaçeve të rimbursimit. Sipas prokurorisë, disa nga të dyshuarit kanë dorëzuar receta fiktive të blerjes dhe shitjes së ilaçeve kryesisht të sëmundjeve të veshkave dhe zemrës, të cilët kanë edhe një vlerë të lartë në tregun e ilaçeve. Në materialet voluminoze të prokurorisë, thuhet se farmacistët blinin kundrejt pagesës receta të falsifikuara nga administratori i depos farmaceutike Nadir Çausholli dhe më pas, nga farmacitë e tyre lëshonin recetat e shitjes dhe i dorëzonin ato në Fondin e Rimbursimit, për kompensim. Në dosjen e organit të akuzës thuhet se janë gjetur receta fiktive edhe për ilaçe që Nadir Causholli nuk kishte të drejtën e shitjes së atyre barnave. Burimet nga prokuroria i thanë se janë në fazën e verifikimit paraprak të 23 kompanive farmaceutike të njohura dhe që kanë kontratat me Fondin e Rimbursimit të ilaçeve. Nga verifikimi paraprak, dyshohet që 5 prej tyre kanë përfituar miliona lekë me anë të mashtrimit dhe falsifikimit të dokumenteve, por që në një fazë të dytë do të procedohen dhe arrestohen.

Ndërkohë, tashmë janë shpallur në kërkim me vendim gjykate edhe 5 persona të tjerë, administratorë, drejtues teknikë e farmacistë të implikuar në këto skema mashtrimi. Në pranga kanë përfunduar Fisnik Kollçaku (drejtues teknik i ?Omega Pharma Group?, gjatë vitit 2014); Valbona Kraja (shefe e Financës pranë ?Omega Pharma Group?); Arjola Pipera (punonjëse financiere pranë ?Omega Pharma Group?); Ela Malaj (drejtuese teknike e farmacisë ?Alice?); Mariela Përnoci, Arbi Teqja dhe Arbër Thereska (përkatësisht administratorë dhe drejtues teknikë të farmacisë ?Express?); Erind Hajdari (drejtuese teknike e farmacisë ?Farmacia nr. 6?); Ornela Plepi (administratore dhe drejtuese teknike e farmacisë ?Katroshi?); Violeta Bejko (magaziniere); E. P., (shefe e Sektorit të Informatikës-Statistikës) dhe shtetasi Tasim Toci. Këta persona dyshohen se janë përfshirë në një skemë mashtrimi të madhe me rimbursimin e ilaçeve. Objekti i hetimit fillimisht ka pasur të bëjë me rimbursimin e çmimeve të medikamenteve mjekësore, përsa i përket recetave të ekzekutuara pranë katër subjekteve farmaceutike, të cilët janë ?Farmacia Lundër?; ?Nutrimed 2012?; ?Bërxhitë?, dhe ?Adelina?./ Sot