web counter
LEXO PA REKLAMA!

SHKARKO APP

App Store
Google Play

E fundit!

x

Terrori dhe shoqërimi i të rinjve/ Komisariati 4: Veprojmë sipas ligjit

2 Nëntor 2015, 18:36, Aktualitet CNA

Pas pretendimit të qytetarëve se Policia e Tiranës, ka ushtruar dhunë në datat 28,29,30, citynews publikoi një informacion në lidhje me këtë çështje. Sipas denoncimit të familjarëve, të rinjtë janë shoqëruar në komisariat, ku gjatë kohës së qëndrimit aty është ushtruar dhunë dhe terror psikologjik.

Të rinjve, fillimisht iu është kërkuar mjeti i identifikimit dhe më pas janë shoqëruar në komisariat, ata pa dokument si edhe ata me dokument identifikimi. Bëhet fjalë për komisariatin nr.4 në kryeqytet, i cili nuk ka ambiente shoqërimi por të gjithë personat që merren me justifikimin për verifikim, mbahen në korridor apo në një dhomë tjetër, ku qëndrojnë në kushte skandaloze.

Për të verifikuar informacionet e të rinjve dhe familjarëve, citynews.al kontaktoi me shefin e komisariatit nr.4 në Tiranë, z.Fatmir Lleshaj. I pyetur në lidhje me ankesat dhe pretendimet e qytetarëve, fillimisht z. Lleshaj na tha se nëse qytetarët kanë ankesa duhet të drejtoheshin tek SHKB-ja dhe jo në media. Pasi këmbëngulëm për të marrë informacione të mëtejshme, shefi i komisariatit tha se ?Ne bëjmë me dhjetra shoqërime në ditë kur na duhen për punën tonë. Edhe kur e kemi gabim, ne e gjejmë hapësirën ligjore për t?u justifikuar. Çdo shoqërim për verifikim apo nevoja të tjera që i lindin policisë ne i justifikojmë ligjërisht?.

Pra, me pak fjalë, shefi i komisariatit nr.4, ku dhe pretendohet se në data 28,29,30 ka pasur dhunë dhe terror mbi të rinjtë e zonës, na sqaron ligjërisht duke na treguar se policia ka të drejtë të rrëmbejë në rrugë këdo që dëshiron, sa herë ajo ka nevojë. Ndërkohë kur janë me dhjetra të shoqëruar, familjarët të shqetësuar, njerëz pa asnjë precedent të më parshëm, shefi i komisariatit thotë se policia edhe kur e ka gabim do ta gjejë rrugën ligjore për të justifikuar veprimin.

Shpresojmë dhe urojmë që policia, përveç terrorit dhe shoqërimeve të bëjë më shumë në lidhje me bashkëpunimin me qytetarët dhe për ruajtjen e rendit, edhe në rastet kur ajo dyshon. Në të gjithë botën, modeli i bashkëpunimit dhe i komunikimit me qytetarët ka rezultuar më efektiv se sa terrori mbi të rinjtë./citynews





Lajmet e fundit nga