E fundit!

21:29 Aktualitet

"Investitorët strategjikë, klientela e Ramës"/ Këlliçi: Ende asnjë zyrtar shteti i arrestuar për aferat më të mëdha

Nënkryetari i PD-së, Belind Këllliçi ka folur mbrëmjen e s...

Historia e vrasjes së 22-vjeçarit shqiptar nga pensionisti italian, që ka “ndezur” Italinë!

26 Tetor 2015, 12:23, Kronika CNA

Francesco Sicignano, një pensionist italian, vrau pak ditë më parë 22-vjeçarin shqiptar Gjergj Gjoni.

Ai thotë se e kreu vrasjen, për shkak se Gjoni kishte shkuar ta grabiste në banesë.

Por, dëshmitarë të ndryshëm thonë se ata njiheshin bashkë.

Ka dyshime se i riu shqiptar kishte punuar te i moshuari dhe kishte shkuar t?i kërkonte atij paratë.

Vetë Sicignano ka reaguar i revoltuar pas këtyre pretendimeve.

?Nuk dua të flas në televizion për këtë histori, sepse ju gjithmonë bëni thashetheme. Po flas në kundërshtim me këshillën e avokatit tim.

Gruaja ime merr ilaçe gjumi, unë fle pak dhe nuk fle natën.

Fle vetëm kur është ditë dhe do të jetoj edhe sa kohë të ma lejojë këtë gjë fiziku.

Vajza ime u pushua nga puna sepse nuk fle mjaftueshëm, Kjo nuk duhet të kishte ndodhur?.

Kush thotë se duhet të kisha qëlluar në ajër, është idiot.

Për mua do të ishte shumë më mirë që të kishte mbijetuar.

Kur thirra ambulancën, ai merrte ende frymë. Por, mos më fajësoni mua ishte faji i atij, sepse nuk duhet të hynte në shtëpinë e tjetrit natën?, ka thënë 65-vjeçari për Canale 5.

Por ende ka shumë dilema ky krim, pasi disa dëshmitarë thonë se i riu shqiptar vetëm 22 vjeç kishte punuar më parë për pensionistin dhe nuk ishte paguar prej tij.

Përveç dëshmive, edhe ekspertizat e kryera në vendin e ngjarjes nuk korrespondojnë me deklarimet e autorit Francesco Sicignano.

Policia italiane ka ngritur edhe dy versione për ngjarjen. E para është që shqiptari të jetë vrarë që kur po ngjiste shkallët jashtë shtëpisë, çka përforcon dyshimin se mund të ketë qenë vrasje me paramendim.

Ndërsa e dyta është që të jetë vrarë në kuzhinën e pensionistit. Mirëpo nuk ka asnjë provë që dera e jashtme e shtëpisë të jetë hapur me dhunë.

22-vjeçari shqiptar ndërkohë, është vërtetuar se nuk kishte armë.

Fillimisht 65-vjeçari u konsiderua si ?hero?, pasi mbrojti shtëpinë e tij.

Por, tashmë të dhënat e fundit kanë bërë që në Itali të ndizen debatet, për faktin se i moshuari mund të kishte lajmëruar policinë dhe jot ë vriste një njeri të paarmatosur./ Tema