web counter
LEXO PA REKLAMA!

SHKARKO APP

App Store
Google Play

Vuçiç, letër UNESCO-s: I papranueshëm anëtarësimi i Kosovës

12 Tetor 2015, 08:35, Aktualitet CNA

Kryeministri i Serbisë, Aleksandër Vuçiç, u ka dërguar letër të dielën të gjitha shteteve anëtare të UNESCO-s, është bërë e ditur nga Zyra serbe për Bashkëpunim me Mediat.

?Po ju drejtohem në lidhje me çështjen e një rëndësie të madhe për Republikën e Serbisë, arsye për shqetësimin tonë të thellë. Fjala është për pranimin e së ashtuquajturës Kosovë, anëtare të UNESCO-s. Kjo kërkesë është e pabazë nga pikëvështrimi i së drejtës ndërkombëtare dhe për këtë shkak, si në aspektin politik, ashtu edhe atë moral, për Republikën e Serbisë është absolutisht i papranueshëm?.

?Në pajtim me Rezolutën ende ?valid? dhe i detyrueshem nga pikepamja ligjore e Këshillit të Sigurimit UN1244 (1999) si dhe Kornizën Kushtetuese për vetëqeverisjen e përkohshme në Kosovë,se Kosova është territor në përbërje të Republikës së Serbisë dhe nën drejtimin e Organizatës së Kombeve të Bashkuara. Rezoluta e Këshillit të Sigurimit UN1244 (1999) riafirmon ?sovranitetin dhe integritetin territorial të Republikës Federale të Jugosllavisë (tani Republikës së Serbisë) dhe shteteve të tjera të rajonit?, derisa parasheh ?zgjidhje politike për krizën në Kosovë?, bazuar mbi këto parime.

Çështja e Kosovës është edhe më tutje në rendin e ditës së Këshillit të Sigurimit të OKB-së, gjë e cila konfirmohet prej seancave të rregullta të Këshillit të Sigurimit të OKB-së rreth kësaj teme. Po ashtu, në Kosovë edhe më tutje vepron administrata e përkohshme e OKB-së, në krye me Përfaqësuesin Special të Sekretarit të Përgjithshëm të OKB-së (UNMIK)?, ka shkruar ai./Koha Ditore





Lajmet e fundit nga