LEXO PA REKLAMA!

SHKARKO APP

ISIS perpiqet te gjeje arme berthamore, hyn ne loje mafia ruse

7 Tetor 2015, 13:20, Kosova & Bota CNA

Në pjesët rurale të Moldavisë, autoritetet lokale, në bashkëpunim me FBI-në, në pesë vitet e fundit kanë ndërprerë katër përpjekje të kontrabanduesve që tu shesin materiale radioaktive, ekstremistëve nga Lindja e Mesme.

Rasti i fundit ishte shënuar në shkurt të këtij viti, kur kontrabandisti u kishte ofruar atyre furnizim të madh të cezium radioaktiv, sasi e mjaftueshme për të kontaminuar një pjesë të qytetit.

Siç shkruajnë mediat e huaja, kontrabandisti me origjinë ruse, Valentin Grosu, i ofroi një furnizim të ceziumit personit që besohet të jetë një përfaqësues i Shtetit Islamik, për 2,5 milionë euro.

Për fat të mirë, përfaqësuesi i dyshuar i ISIS-it, në fakt ishte një informator i policisë.

?Ju mund të bëni një ?bombë të pistë?, e cila do të ishte ideale për Shtetin Islamik?, citohet të ketë thënë Grosu në një takim në një klub nate në Kishinau, kryeqytetin e Moldavisë.

Pas 20 takimeve, Grosu ishte bindur se po bënte biznes me një përfaqësues të vërtetë të Shtetit Islamik, dhe ata u takuan për të shkëmbyer paratë dhe Ceziumin, kur policia më në fund kapi Grosun.

Hetimet zbuluan gjithashtu edhe një përpjekje për t?i shitur uranium një ?konsumatori? nga Lindja e Mesme.

Sipas regjistrimeve, kontrabandistët janë përpjekur për të shitur materiale për një bombë “të pistë” blerësve arabë, transmeton Telegrafi.

Regjistrimet tregojnë se si trafikantët kanë kërkuar në mënyrë specifike konsumatorë të cilët janë armiq të Perëndimit, nëpërmjet të cilëve grupet e organizuara kriminale do të ishin në gjendje për të siguruar mjetet e grupeve të shkatërrimit në masë për organizatat radikale të tilla si ISIS apo Al Kaeda.

Në hetime kanë bashkëpunuar agjentët e FBI-së dhe një grup i vogël i hetuesve moldavë, të cilët në pesë vjet arritën ? sa kanë mundur – të ndalojnë tregtinë e mundshme me materiale radioaktive.

Lajmet e fundit nga