E fundit!

14:17 Politikë

Reforma Territoriale/ Berisha paralajmëron Ramën: Do ngrejmë Shqipërinë në këmbë

Kreu i PD-së Sali Berisha ka folur për shtyrjen e afatit p...

Ja dëshmimtari që mund të "fundosë" Ilir Metën

23 Shtator 2015, 17:53, Aktualitet CNA

Zbulohet foto e dëshmimtarit kyç në aferën e CEZ për mbledhjen e borxheve përmes kompanisë DIA. Emri i Elvis Matajt doli për herë të parë në media mbrëmë gjatë emisionit ?Opinion?, ku gazetari investigativ, Artan Hoxha, tha se ai është kërcënuar që të mbajë gojën mbyllur. Kërcënuesi sipas Hoxhës ka qenë një nga njerëzit e qeverisë, konkretisht Rezart Ruçi, juristi aktual i OSHEE-së. Por Ruçi ndërhyri me telefon gjatë emisionit dhe tha se nuk e kishte kërcënuar Elvis Matajn, por s?e mohoi takimin me të.

Kush është Elvis Mataj

Ka qenë një njeri mjaft i afërt i çiftit Meta-Kryemadhi. I riu drejtonte degën e LRI-së në Elbasan. Po keshtu Mataj ka mbajtur postin e Drejtorit Ekzekutiv të kompanisë DIA, e cila i përkiste Kastriot Islamajt. Përmes kësaj kompanie është kryer afera e mbledhjes së borxheve të CEZ dhe si drejtor i kësaj kompanie, Mataj ka dijeni për të gjitha transaksionet e kryera. Ai u arrestua bashkë me Kastriot Islamajn, ?kokën? e kompanisë DIA.

Marrja në mbrojtje

Pas arrestimit Elvis Mataj mori si avokat mbrojtës Vladimir Meçen, i cili është njëkohësisht edhe avokat i Tom Doshit. Mataj ka rrëfyer te avokati mbrojtës shumë të dhëna për aferën e mbledhjes së borxheve të CEZ nga kompania DIA e Kastriot Islamajt. Në këto kushte avokati i tij ka kërkuar nga Prokuroria e Përgjithshme që t?i japë Elvis Matajt statusin e dëshmimtarit të mbrojtur. Pasi organi i akuzës e ka refuzuar kërkesën, Mataj është marrë në mbrojtje nga forcat RENEA. Këto të fundit e ruajnë atë prej një viti.

Video ?bombë? që do transmetohet nesër në ?Opinion?

Gazetari Artan Hoxha tha mbrëmë se disponon një video kur Elvis Mataj kërcënohet nga Rezart Ruçi, juristi i OSHEE-së. Ai është zotuar se kjo video do të transmetohet nesër mbrma në emisionin ?Opinion? në Tv Klan.

Procedimi penal për Kastriot Islamajn

Lapsi.al sjell më poshtë një pjesë të përmbledhur të komunikatës së Prokurorisë për nisjen e procedimit penal ndaj shtetasit Kastriot Islamaj, biznesmenit të afërt me kreun e LSI-së, Ilir Meta.

Prokuroria për Krime të Rënda kërkon nga gjykata konfiskimin e llogarive bankare në shumat totale 3.2 milionë USD dhe 450.000 Euro, të shtetasit Kastriot Ismailaj, administrator i shoqërisë ?Adriatic Develoment Corporation LTD?, bazuar në ligjin ?Për parandalimin dhe goditjen e krimit të organizuar e trafikimit nëpërmjet masave parandaluese kundër pasurisë?.

Prokuroria për Krime të Rënda, e cila është struktura përgjegjëse për zbatimin e këtij ligji, ka regjistruar procedimin penal në bazë të akteve të përcjella nga Prokuroria e Tiranës, e cila po zhvillon hetime ndaj këtij shtetasi për veprën penale të ?Mashtrimit?. Fillimisht, ndaj llogarive bankare të këtij shtetasi, me kërkesë të Prokurorisë, gjykata ka vendosur masën e sekuestros preventive (paraprake). Shtetasi Ismailaj, i ardhur në dijeni të vendosur së sekuestros, nuk ka paraqitur asnjë dokument për provuar ligjshmërinë e burimit të krijimit të pasurive?- thuhet në njoftimin e Prokurorisë për Krime të Rënda./Lapsi.al/