web counter
LEXO PA REKLAMA!

SHKARKO APP

App Store
Google Play

Ngjela: Në komunizëm s’ka ekzistuar “shtrëngimi policor i seksit”. Pa Parashqevinë e Linditën, Shqipëria si Kamboxhia

1 Shtator 2015, 08:41, Aktualitet CNA

Spartak Ngjela ka komentuar debatin e ditëve të fundit, pas akuzave të Gjergj Lekës, se disa këngëtare të njohura, mes të cilave dhe Parashqevi Simaku dhe Lindita Theodhori, kanë pasur lidhje intime me Sigurimin e Shtetit.

Ngjela thotë se nuk të detyronte njeri të bëje seks me zor në atë kohë.

Sipas tij, artistët nëse kanë pasur lidhje intime me dikë, i kanë pasur me vullnet të lirë.

?Nuk ka funksionuar kështu.

Këto janë amplifikime.

Me dëshirë, artistët dhe artistet kanë bërë si kudo.

Përsa i përket ?shtrëngimit policor të seksit?, ai nuk ka ekzistuar në sistem.

Raste sporadike mund të ketë pasur, por me personat publikë femra, ishte pamundësi absolute të ndodhte.

Dashuria në qarqet artistike në diktaturën hoxhiste ishte pjesa më e emancipuar e erotikës në një diktaturë orientaliste shqiptare që ishte kundër saj.

Ato ishin dy femra të veçanta me sens progresist në atë tmerr që kishte pushtuar muzikën shqiptare nga histeria antiperëndimore që kishte regjimi.

Si të gjitha këngëtaret, nuk besoj se mund të jenë shtrënguar të bënin dashuri me zor.

Sigurimi i Shteti kërcënononte këndo, por nuk ka pasur mundësi të dominojë seksualisht në femrat publike? thotë Ngjela për Panoraman.

Ai thotë se nuk do të kishte artiste si Parashqevi Simaku apo Lindita Theodhori, Shqipëria do të ishte si Kamboxhia.

?Ato ishin këngëtare të talentuara, dhe sigurisht i takonin të bukurës, talentit dhe ndiqeshin nga syri ciklopik i regjimit apo shëmtimit shqiptar.

Dhe ato të dyja, sikundër edhe të tjera, dhanë maksimumin në këngën shqiptare.

Kënduan në një jetë të trishtë dhe me talent.

Kjo nuk është pak?, shprehet ai.





Lajmet e fundit nga