web counter
LEXO PA REKLAMA!

SHKARKO APP

App Store
Google Play

E fundit!

x

Merkel: Nëse Europa dështon me refugjatët s'do të jetë ajo që kemi dashur

31 Gusht 2015, 16:50, Kosova & Bota CNA

Fluksi i madh i emigrantëve që janë dyndur drejt vendeve të Bashkimit Evropian këto muajt e fundit është kthyer në kryefjalën e diskutimeve në institucionet më të lartë të Unionit. Kancelarja gjermane Angela Merkel tha sot se ?Europa në tërësi duhet të lëvizë? për të gjetur një zgjidhje për refugjatët dhe emigrantët që mbërrijnë në BE. ?Nëse Europa dështon me çështjen e refugjatëve, atëherë nuk do të jetë Europa që ne kemi dashur?, tha Merkel. Kancelarja i bëri këto pohime sot, pasi autoritetet austriake arrestuan 5 persona të dyshuar si trafikantë. Kapja e tyre u bë përgjatë vijës lindore kufitare. Thirrja e zonjës Merkel për bashkëpunim më të madh u pasua nga kryeministri francez Manuel Valls, i cili paralajmëroi se kriza evropiane e emigrantëve do të jetë një ?sfidë e gjatë dhe e vështirë?. Policia austriake tha se më shumë se 200 emigrantë u gjetën gjatë natës duke gdhirë dita e sotme. Më herët të enjten, trupat e 71 emigrantëve të vdekur u gjetën në një kamion pranë kufirit me Hungarinë. Zonja Merkel tha se vendet evropiane duhet të ndajnë barrën e refugjatëve. Lidhur me sfidat që po përballet Gjermania, kancelarja tha se ?Gjermania është një vend i fortë”, duke shtuar se “ne do t?ia dalim?. Gjermania parashikon se numri i azilkërkuesve do të katërfishohet në rreth 800,000 njerëz në vitin 2015. Kancelarja Merkel foli edhe për dhunën ndaj emigrantëve. Ajo nënvizoi se ?nuk do të ketë tolerancë për ata që vënë në pikëpyetje dinjitetin e njerëzve të tjerë?. Reagimi i saj vjen pas një sërë sulmesh në strehimoret e refugjatëve dhe demonstratave anti-emigrantë. Merkel theksoi se “numri i njerëzve që po ndihmojnë të huajt për t?i futur në qytete dhe mes komuniteteve, madje edhe duke i marrë ata nëpër shtëpitë e tyre është shumë më i madh se numri i ksenofobëve?.





Lajmet e fundit nga