web counter
LEXO PA REKLAMA!

SHKARKO APP

App Store
Google Play

Liderët e Luginës së Preshevës: Duam formimin e Asociacionit për komunat shqiptare, kërkohet barazi

31 Gusht 2015, 11:34, Kosova & Bota CNA

Liderët e Luginës së Preshevës do të kërkojnë formimin e Asociacionit të komunave shqiptare në jug të Serbisë.

Në një intervistë për median ruse ?Sputnik?,  Jonuz Musliu dhe Ragmi Mustafa kanë thënë se ata do të kërkojnë barazi për të kërkuar reciprocitet në raport me të drejtat që serbëve u jepen në Kosovë.

Një lëvizje e tillë do të bëhet në bisedime të vazhdueshme me Prishtinën dhe Tiranën.

Musliu  ka thënë se të drejta të njëjta do të duhet t?u jepen edhe shqiptarëve në Luginë të Preshevës, duke iu shmangur përgjigjes nëse me këtë po nënkuptonte autonomi për këtë pjesë të territorit të jugut të Serbisë.

?Nëse serbëve u jepet autonomi në Kosovë, pse e njëjta të mos na jepet edhe neve?, shprehet ai.

Musliu, i cili aktualisht mban pozitën e kryetarit të Këshillit Kombëtar Shqiptar, dikur ishte komandant i Ushtrisë Çlirimtare të Preshevës, Medvegjës dhe Bujanovcit, nuk e ka përjashtuar mundësinë e ndërmarrjes së masave të tjera, nëse kjo kërkesë e tyre nuk realizohet.

?Ne fillimisht do t?i japim prioritet dialogut, por nëse përmes kësaj nuk arrihet, atëherë shohim për masa tjera?, ka thënë ai.

Qëndrim të njëjtë mban edhe Ragmi Mustafa. Ai thotë se kjo kërkesë nuk është diçka e re. Sipas tij, shqiptarët e jugut të Serbisë, që nga fillimi i negociatave të Brukselit mes Kosovës dhe Serbisë, kanë kërkuar që ajo çfarë do t?u jepet serbëve në Kosovë, e njëjta t?u jepet edhe shqiptarëve në Serbi.





Lajmet e fundit nga