web counter
LEXO PA REKLAMA!

SHKARKO APP

App Store
Google Play

E fundit!

x

Thaci ne Vjene: Thelbesore liberalizimi i vizave me BE

26 Gusht 2015, 15:35, Kosova & Bota CNA

Zëvendëskryeministri i parë, njëherësh ministri i Punëve të Jashtme të Republikës së Kosovës, Hashim Thaçi, dhe ministri i Jashtëm austriak, Sebastian Kurz, kanë nënshkruar sot marrëveshje për bashkëpunim institucional në shkencë, hulumtim, arsim dhe në të gjitha fushat e artit. Para nënshkrimit të marrëveshjes, ministri Kurz priti në drekë zyrtare zv.kryeministrin Thaçi. Thaçi e njoftoi homologun e tij austriak për arritjet e Kosovës në rrugëtim e saj drejt Bashkimit Evropian dhe kërkoi që ky progres të njihet nga BE-ja. ?Është qenësore që BE sa më parë të nënshkruajë MSA-në me Kosovën dhe të rekomandojë liberalizimin e vizave për qytetarët e Kosovës?, u shpreh Thaçi, duke nënvizuar se edhe vetë autoritetet e BE-së tashmë e pranojnë që Kosova i përmbushur të gjithë kriteret edhe për MSA-në edhe për liberalizimin e vizave. Thaçi falënderoi ministrin Kurz për mbështetjen e tij dhe të shtetit austriak dhënë Kosovës dhe e ftoi që Austria të vazhdojë të përkrahë Kosovën, me theks të veçantë në synimin për t?u anëtarësuar në UNESCO dhe Interpol. Nga ana e tij ministri Kurz, e përgëzoi zëvendëskryeministrin Thaçi për lidershipin politik në procesin e dialogut dhe në promovimin e dialogut dhe bashkëpunimit në rajon dhe u zotua se vendi i tij mbetet një avokat i fuqishëm i Kosovës në rrugën e saj drejt BE-së





Lajmet e fundit nga