web counter
LEXO PA REKLAMA!

SHKARKO APP

App Store
Google Play

Shtohen zërat për aleancë PS-PD

6 Gusht 2015, 08:21, Aktualitet CNA

Në Partinë Demokratike po shtohen dita-ditës zërat për një koalicion me Partinë Socialiste. Dy ditë më parë, kryetari i grupit parlamentar të Partisë Demokratike, Edi Paloka, mohoi çdo mundësi aleance me Lëvizjen Socialiste për Integrim, por kur u pyet për një koalicion të mundshëm me PS, Paloka i bishtnoi përgjigjes, duke e lënë të hapur mundësinë.

Nëse Genc Pollo dhe disa deputetë të tjerë flasim edhe me gojën e Bashës, Paloka përfaqëson edhe Bashën edhe Berishën. Ndërkaq, edhe deputeti Mhill Fufi, i kontaktuar dje nga gazeta SOT, është shprehur pro një aleance të mundshme me Partinë Socialiste. “Ne duam të vijmë në pushtet. Kush nuk do që të vijë në pushtet”, ka pohuar Fufi, i pyetur nëse ishte pro apo kundra një aleance me PS. Ndërkaq, edhe Sekretari i Përgjithshëm i PD, Arben Ristani, nuk e ka hedhur poshtë një tezë të tillë. Ndonëse Ristani u tregua shumë i rezervuar, ai nuk e mohoi mundësinë e një aleance me Partinë Socialiste. Nga ana tjetër, shumë deputetë demokratë nuk kanë preferuar që të japin një mendim për këtë çështje, e cila po dominon pushimet verore. Edhe pse sinjali i Lulzim Bashës duket se është i qartë, shumë deputetë të PD, duke se janë të befasuar, teksa nuk preferojnë që të japin një mendim. Por, nuk kanë munguar as deputetët që janë shprehur hapur pro një aleance me PS. Genc Pollo është mbështetësi më i madh i kësaj teze. Hapur pro një aleance të tillë ka dalë edhe Fahri Balliu.





Lajmet e fundit nga