web counter
LEXO PA REKLAMA!

SHKARKO APP

App Store
Google Play

Tirana dhe Durrësin me një plan të përbashkët zhvillimi

3 Gusht 2015, 09:17, Aktualitet CNA

Qeveria ka vendosur që t?i trajtojë Tiranën dhe Durrësin me një plan të përbashkët zhvillimi. Bëhet fjalë për pjesën e zonës ekonomike që ndodhet nga Unaza e Madhe e Tiranës deri në Unazën e Durrësit.

E gjithë kjo hapësirë do të ketë një plan të veçantë që ?duhet të drejtojë zhvillimin e territorit si një vizion në bashkëpunim midis NJQV-­ve për të shmangur vazhdimin e ndërtimit pa kritere dhe të pakontrolluar, si dhe për një bashkëpunim më të ngushtë në strategjitë e ekonomisë, turizmit, infrastrukturës, bujqësisë dhe mjedisit?, thuhet në dokumentin e Ministrisë së Zhvillimit Urban që do të konsultohet gjatë këtij viti.

Këto konsulta do të zhvillohen në disa seanca me palë të ndryshme të interesit deri në arritjen e finalizimit të tij. Një ndër grupet kyçe të interesit që duket se do të jetë aktiv është ai i biznesit, i cili është gjerësisht i shtrirë në këtë hapësirë që trajton plani i ri i qeverisë për zhvillimin e integruar ndërsektoral për zonën ekonomike Tiranë­ Durrës, raporton ?Panorama?.

Për infrastrukturën rrugore, ministria në dokumentin e saj ka paraqitur tre skenarë. E para është ajo e zgjerimit të rrugës së vjetër që i bie nga Ndroqi. Kjo alternativë e lakuar disa herë do të duhet të shoqërohet edhe me studimin përkatës. Qendër dytësore pas Tiranës si metropol dhe Durrësit si primar, është Vora.

Skenari i dytë që sheh si mundësi ministria është ajo e zgjerimit të autostradës në të gjithë aksin Tiranë­Durrës. Kjo në fakt do të bënte që qeveria të hiqte të gjitha palmat e mbjella në këtë rrugë vetëm pak muaj më parë nga qeveria. Rruga e Ndroqit, sipas këtij skenari, kalon në një rrugë peisazhistike. Në këtë skenar kemi edhe tri qendra dytësore, Vorë, Shijak dhe Sukth.

Në skenarin e tretë vjen një variant i zgjerimit pjesor të autostradës Kashar-Unazë-Durrës, si dhe zgjerimi i rrugës së vjetër, Fushë Krujë­-Vorë.





Lajmet e fundit nga