web counter
LEXO PA REKLAMA!

SHKARKO APP

App Store
Google Play

Polici-OSHEE vazhdon operacioni kundër vjedhësve të energjisë/ Prangosen 9 vetë në kërkim 17 te tjere

3 Gusht 2015, 11:26, Aktualitet CNA

Ka vijuar me intensitet  puna e përbashkët e Policisë  së Shtetit dhe OSHEE-së,  edhe gjatë javës  së kaluar në të gjithë vendin për evidentimin dhe vënien para drejtësisë të autorëve të vjedhjes së energjisë elektrike, si dhe për ndërprerjen  e lidhjeve të paligjshme të energjisë elektrike.

Gjatë  periudhës 28.07.2015 deri më 03.08.2015, në  të gjithë vendin kanë vepruar çdo ditë 95  grupe të përbashkëta  Polici ? OSHEE.

Janë kryer kontrolle   të përbashkëta Polici –  OSHEE në 4.111 raste .

Si rezultat i kontrolleve të kryera në terren  në abonentët biznes dhe familjarë, janë evidentuar  40 raste të vjedhjes së energjisë elektrike me  40  autorë.

Nga këta,  janë arrestuar në flagrancë  9 persona të cilët akuzohen për vjedhje të energjisë elektrike .

Janë  shpallur në kërkim 17 persona, si dhe ndiqen në gjendje të lirë 14 persona.

 Po gjatë kësaj periudhe  janë ndërprerë 1.291 lidhje të abonentëve debitorë dhe 40 lidhje të paligjshme.

Gjithashtu janë kontrolluar 68 kabina elektrike dhe abonentët që furnizohen nga këto kabina.

Policia e Shtetit dhe OSHEE  janë të vendosur ta çojnë  deri në fund punën e nisur ,  deri në shkëputjen e fundit të lidhjeve të paligjshme, duke përballur  me forcën e ligjit të gjithë ata persona, të cilët abuzojnë me energjinë elektrike, duke e vjedhur atë, qofshin këta përfaqësues biznesesh, individë, apo punonjës të vetë OSHEE-së.





Lajmet e fundit nga