web counter
LEXO PA REKLAMA!

SHKARKO APP

App Store
Google Play

E fundit!

x

Qeveria rrit pensionet sa dy bukë në muaj ose një shalqin

23 Korrik 2015, 09:25, Aktualitet CNA

Qeveria ka miratuar dje rritjen e pensioneve me 1.4 %, që në fakt është rritja më e ulët historike kur inflacioni parashikohet të jetë 2.2 %, sipas vetë qeverisë dhe FMN-së. Kjo do të thotë se qeveria nuk ka mundur të bëjë as barazimin e rritjes të pensioneve, me rritjen e cmimeve, ose atë që quhet ndryshe indeksim

Kështu, nga 1 gushti 2015, të gjithë pensionistët do të marrin një shtesë që varion nga 172 lekë/ muaj për pensionet minimale dhe deri në 344 lekë/ muaj për pensionet maksimale.

Pensionet minimale në qytet ishin 12264 lekë/ muaj, me rritjen prej 1.4 % , pensionet bëhen 12436 % ose 172 lekë në muaj.

Pensionet maksimale në qytet ishin 24528 lekë/muaj, me rritjen prej 1.4 %, pensionet bëhen 24872 lekë/muaj

Përfitimi mujor bashkë me shtesat dhe kompensimet

Të ardhurat minimale në qytet

Ishte 14414 lekë/muaj

Bëhet 14586 lekë/muaj

Të ardhurat minimale në fshat

Ishte 9288 lekë/muaj

Bëhet 9406 lekë/muaj

Të ardhurat maksimale në fshat

Ishte 12464 lekë/muaj

Bëhet 12636 lekë/ muaj

Sic shihet nga shifrat e mësipërme, rritja e pensioneve janë më tepër qesharake, se sa i vijnë në ndihmë moshës së tretë. Më tepër se një nismë e qeverisë për të rritur pensionet, është një detyrim pas mbledhjes me FMN-në për maxhorancën që të rrisë pensionet aq sa rritja e inflacionit.  Me rritjen prej 118 lekë/muaj, është më pak se dy bukë në muaj ose një shalqi 4-5 kg.

Me rritjen prej 1.4 % në muaj, të moshuarit nuk mbulojnë asgjë nga shpenzimet e tyre me medikamente apo ushqime si nevojë bazë për këtë kategori popullate. Në një kohë kur kosto e lartë e jetës është bërë e papërballushme, qeveria vendos  rritje qesharake për shtesën më nevojë të shoqërisë.





Lajmet e fundit nga