web counter
LEXO PA REKLAMA!

SHKARKO APP

App Store
Google Play

E fundit!

x

Eksportet mbahen nga shërbimet, ato të mallrave ranë 21% në tremujorin e parë

20 Korrik 2015, 17:30, Ekonomi CNA

Në metodologjinë e re që INSTAT prezantoi së fundmi për matjen e prodhimit të brendshëm bruto (PBB), për herë të parë është detajuar dhe PBB tremujore sipas metodës së shpenzimeve, e cila përfshin dhe tendencën e eksporteve të mallrave e shërbimeve.
Instat ka matur rritjen reale të eksporteve të mallrave dhe shërbimeve të zhveshur nga efektet sezonale. Nga tabelat rezulton që në total, eksportet e mallrave dhe shërbimeve janë rritur me 1.49% për tremujorin e parë 2015, në krahasim me të njëjtën periudhë të vitit të kaluar.
Kjo rritje ka ardhur nga performance e mirë e shërbimeve, ndërsa eksportet e mallrae kanë qenë në rënie të fortë prej pesë tremujorësh radhazi.
Eksportet e shërbimeve u rritën me 13.72% me bazë vjetore në tremujorin e parë 2015, të ndikuara nga rritjet e shpenzimeve të të huajve në Shqipëri (INSTAT këtë tregues e merr nga bilanci I pagesave të Bankës së Shqipërisë).
Ndërsa eksportet e mallrave ranë me 21% për janar-mars 2015, në raport me të njëjtën periudhë të vitit të kaluar. Që nga tremujori i fundit 2013 eksportet e mallrave kanë shënuar rënie dyshifrore, që kulmoi me -51% në tremujorin e tretë dhe të katër 2014. Kjo është periudha më e gjatë me rënie e eksporteve të mallrave që nga viti 2010, kur INSTAT ka publikuar seritë kohore. Monitor.al





Lajmet e fundit nga