web counter
LEXO PA REKLAMA!

SHKARKO APP

App Store
Google Play

Patjetër, duhet ta vizitoni Kepin e Rodonit

11 Qershor 2015, 19:00, Lifestyle CNA

 

Kepi i Rodonit është një rrip toke në formë gadishulli që futet në brendësi të detit Adriatik. Ai shtrihet në formë trekëndëshi midis gjirit të Rodonit në veri dhe atij të Lalzit në jug.

Në veri të tij derdhet lumi i Ishmit një nga lumenjtë e vegjël të Shqipërisë. Kepi i Rodonit është kepi më i madh në vendin tonë, i cili mbyll nga ana e jugut gjirin e Drinit.

Paralel me bregun e tij shtrihen kodra argjilore, të cilat dallohen nga format e rrumbullakëta që e rrethojnë krejt kepin. Një pjesë e tyre mbulohen nga pyje të vogla duke krijuar dy ngjyra shplodhëse : të kaltrën e detit dhe të gjelbrën e bregut.

Redoni sipas mitologjisë Ilire ishte hyji i detit, njëlloj si Poseidoni i Grekëve apo Neptuni i Romakëve. Për një kohë të gjatë studiuesit janë përpjekur që të gjejnë elemente që të vërtetojnë se emrin e Redonit e mban sot Kepi i Rodonit. Me këtë problem janë marrë në të kaluarën arkeologët Hasan Ceka dhe Moikom Zeqo.

Kalaja e Rodonit u ndërtua nga Skënderbeu rreth viteve 1451-1452. Ndërkohë që punime plotësuese në të u bënë edhe në vitin 1463, kur Skënderbeu solli disa mjeshtra raguzianë të ndërtimit.

Pas vdekjes së Skënderbeut kalaja u mor nën kontroll nga Venediku, i cili në vitet 1500, kur Durrësi nisi të kërcënohej nga osmanët, ndërmorën punime për rindërtimin e saj.

Në fakt, edhe kur mbërrin sot në këtë territor misterioz, e vetmja gjë që nuk të zhgënjen nga imazhi i gabuar që kishim krijuar në vite për Kepin e Rodonit janë kupolat e bunkerëve. Beton i derdhur në forma të ndryshme për afro 50 vjet radhazi e që i shtohej fortifikimeve shekullore të ndërtuara mes gjelbërimit, detit, kishave, kalave dhe manastireve që duhet të kenë lulëzuar në këtë mrekulli të natyrës, që kur u krijua bota.

Kepi i Rodonit sot vizitohet shumë nga turista për ecje (Hiking) në atë vend magjepës të Shqipërise. Puhia.com ju sugjeron që patjetër duhet ta vizitoni atë vend të rrallë, ndoshta në botë





18:19 Lifestyle

Sekreti i qershisë

Ushqimet kanë një rol të rëndësishëm në jetëgjatësinë e njer...

17:00 Lifestyle

E cuditshme si Gaga

 Ajo njihet si një prej këngëtareve më kontroverse dhe kjo s...

12:00 Lifestyle

Faiers në Londër

 Ylli i Towie ka treguar linjat e saj elegante e veshur bard...

11:00 Lifestyle

Elegante si Tointon

 E veshur me të zeza ajo dukej jashtëzakonisht e bukur dhe m...

10:00 Lifestyle

Buzëqesh Goodger

 Yjet më të ndjekur të Towie u fotografuan së bashku në tape...

09:00 Lifestyle

Shkëlqen Matthews

 Kombinimi ideal i shumë ngjyrave me të zezën në veshjen e s...

Lajmet e fundit nga