E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Veliaj: Do clirojme kinostudion

4 Qershor 2015, 20:24, Politikë CNA

Në mesin e debateve të nisura lidhur me qendrën kulturore ?Don Bosko? në kryeqytet, kandidati i mazhorancës për Bashkinë e Tiranës, Erion Veliaj, ka dhënë një mesazh të fortë dhe të qartë për këtë çështje.

?Sa të jem unë kryetar i Bashkisë së Tiranës, nuk do të ketë leje ndërtimi te qendra ?Don Bosko?. Nuk do të lejojmë atë që u bë me planin e xhamisë së Tiranës?, tha Veliaj.

Me të njëjtën vendosmëri, foli dhe për ndërtimet tek diga e Liqenit: ?Nuk do të ketë më leje ndërtimi te diga e Liqenit. Pikë!?.

Sipas Veliajt, mes SHQUP-it, siç e cilëson ai Partinë Demokratike, dhe mazhorancës ka një diferencë të madhe në bërjen e fushatës.

?Ata merren me familjet tona, ne do të punojmë për familjet e të gjithë Tiranës?, premtoi Veliaj.

Kandidati i mazhorancës u tregua po ashtu i drejtpërdrejtë kur deklaroi se për çdo gjë të bërë ka një emër: ?Ai që dha leje për shtimin e katit të 13-të ka emër: quhet Lulzim Basha. Ai që ndërtoi te diga, ka emër: quhet Shkëlzen Berisha?.

Këto deklarata, Erion Veliaj i bëri gjatë një takimi të zhvilluar në zonën e Dajtit, e cila tashmë do të jetë pjesë e bashkisë së re të Tiranës, ku shpalosi programin e tij për zhvillimin e kësaj zone.

Pikat më të rëndësishme ishin turizmi, ndërtimi i shkollave dhe qendrave shëndetësore, infrastruktura rrugore dhe kanalet vaditëse.

Gjatë pasdites, Veliaj u ndal në Njësinë 4 ku vijoi me prezanitmin e programit konkret për ndryshimin e kësaj zone. Një ndër problemet më kryesore ishte ai i rrugëve të amortizuara.

?Rruga ?5 Maji?, rr. ?Selaudin Zorba?, rr. ?Pavllo Pavli’, rr. ?Abedin Cici?, rr. ?Ram Sadria? dhe e gjithë zona afër lumit të Tiranës do të rregullohen me votën e 21 qershorit?, është shprehur kandidati i mazhorances për Bashkinë e Tiranës.

Veliaj po ashtu bëri të ditur dhe një vendim të Ministrisë së Kulturës, për t?ja kthyer ambientet e gjelbërta të ish-Kinostudios qytetarëve të kësaj Njësie.

?Kanë marrë një vendim historik për t?i hequr të gjitha rrethimet e asaj që sot quhet Kinostudio, dhe për t?i kthyer të gjitha hapësirat e gjelbërta në funksion të publikut të Njësisë numër 4?, ka deklaruar Veliaj.